Flóttamannabúðir

Fleirum mun að þjóna þarna;

það er staða ný.

Meira að segja Áslaug Arna

áttar sig á því.

 

Sjálfsmat

Ég rataði ávallt rétta línu.

Að ráðum góðum nú bý:

Brjóti ég odd af oflæti mínu

ég ydda það strax á ný!

Eldsneytisbirgðir

Undirbúum orrahríð.
Undirleikur dunar.
Nú er kannski næsta stríð
nær en marga grunar.

Stefna á milljarða króna framkvæmdir fyrir herskip

Fylgst með stjórnmálum

Á þingi fór sem fyrr var spáð.

Er flutt var stjórnar bjargarráð,

nam ég hvísl til næsta manns:

"Nýju fötin keisarans!"

 

Ekki er það nú gott

https://www.mannlif.is/.../bogi-er-rjukandi-reidur.../...

Oft má nú líta í ýmissa skrifum
ummælin döpur og myrk:
Vegna þess hversu lengi við lifum
lækka þarf ellistyrk.

 

Óvissa

Stamar einn í stirðum tón.
Stendur enn á svörum.
Varla svo sem virðist Jón
vera neitt á förum.

Ekkert bólar á breytingum á ráðherraskipan

Æ,æ

Sagt er kvinnu eina um;
alveg sé hún skínandi.
Vex þó lítt af vinsældum
sem virðast heldur dvínandi.

Kvöldúlfur

Eftir flakk og ferðaráp

fer ég nú að sofa

á réttri hillu í réttum skáp

en röngum fjallakofa.

Spurning

Mig langar svona að loknum vetri
að leiða batnandi heim.
Ætli vísurnar verði ekki betri
við það að fækka þeim?

Það er nú gott

Katrín varla kvarta fer

þótt kjörin séu erfið.

Fyrir mestu að hún er

alveg sátt við kerfið.