Fyrirsögn

Íslendingum örlög storka.
Enn er gömul saga ný.
Helst því skyldi HS-Orka
hafna Magma Energy.

Bensínstöð við Hafnarstræti?

Hér er vísað í hestakerrustefnu umferðarmála á Akureyri sem plantar 30km skiltum um allar koppagrundir:

Á Akureyri er umferð hröð,
um það skal ei rifist.
Byggjum nýja bensínstöð
...svo bærinn fái þrifist!

Sígild vísa - alveg ný!

Menn hafa gjarnan teygt og togað og breytt á ýmsa vegu vísunni - "Einu sinni átti ég hest....."
Hér er aftur á móti nýr vinkill:

Aldrei hef ég átt neinn hest,
enda frekar dýrir;
trúss mitt snjáð og tólin flest
og tekjustofnar rýrir.

Hugleiðing

Rigning er góð fyrir gróðurinn.
Góð vísa eykur á hróður minn.
Einn kvað á Íslandi ljóðurinn:
Alþjóðagjaldeyrissjóðurinn.

Slæmur stóll

Höfuðstóll hreint ekki smáleitur
helgast af svæðinu - gráleitur.
Úti á engi
með erlendu gengi.
Alveg hreint finnst mér hann fráleitur!

Glitský á góðum degi

Spakvitur limra

Margur er dauður dáður
sem dagana lifði smáður.
Hvílir þó hver
hvort sem hann er
fátækur eða fjáður.

Greyið!

Illt á nú Haukur í Hrísey.
Holdið er veikt og það rís ey.
Því á sér stað
það sem er að;
þess vegna konan hann kýs ey.

Fyrr má nú aldeilis fyrr vera

Þótt geti á kvöldin gamlir menn
gantast við ungar skvísur,
fyrr má nú aldeilis fíflast en
fara að yrkja vísur!

Of mikil vöntun á lítillætisskorti

Það finnast ei margir fremri en ég
í fögrum og snjöllum kvæðum:
Ort hef ég ljóðin ódauðleg
ótrúleg hreint að gæðum!