Grindavík

Eigi vánni burt er bægt.
Búendur á nálum.
Þetta er ekki held ég hægt
að hafa að gamanmálum.

Véfrétt

Bjarni og Kolla ráða sínum ráðum.
Réttum kunna þau að beita tólum.
Finna það sem betur hentar báðum:
Bráðlega þau skiptast munu á stólum.

Allt á sama stað

Það er nú góðlátlegt gisk
að gott sé að kaupa disk
vilji menn fá sér fisk
í fjölversluninni Jysk.

Breyta nafni Rúmfatalagersins í JYSK

Það ekki bara?

Fékk ég matinn fyrir rest:

Firna góða ýsu.

Er þá ekki bara best

að búa til eina vísu?

Dæmigert

Kæti er í kúnum að vori.
Klaufir þær naumast spara.
Í upphafi sprett er úr spori,
spurt svo hvert á að fara.

Umferðaraukning

Umfangið það hefur töluvert teygst.
Um trafík er hreint engu logið.
Flogið er mikið og umferðin eykst
af því svo mikið er flogið.

Umferðin aukist til muna á flugvellinum

Gosfrétt

Gangan flestum gekk í hag.
Gegnum tárin brosið.
Enginn var með dólg í dag.
Drottinn blessi gosið!

Enginn verið með dólg í dag

Lát eigi platast

Varúð öll er þarfaþing.
Þekkist ýmis voði.
Seljendur í krók og kring
kaupendurnir skoði.

Kaupendur skoði seljendur betur

Næsti

Kannski gefst hér kostur nýr:
Kappinn velviljaður.
Að reynslu sinni Bjarni býr;
bankasölumaður.

Bjarni: Til greina kemur að selja Landsbankann og Íslandspóst

Bankamál

Oft samkvæmt venjunni bullið þið bara.
Um bankanna hagsmuni spyr ég til vara:
Að vinanna kökum hvort voruð að skara?
Þið verðið að svara!

Stjórn Íslandsbanka krafin svara