Ástarvísa. Viðskiptalegs eðlis.

Eignarhaldið heillar mig.
Ég held það yrði smart
ef gæti ég átt í gegnum þig
gríðarstóran part.

Breytingar á eignarhaldi hjá Árvakri

Bjarni og Benedikt

Svo báðir saman botni í
hvað bagar landsins krónur
þeir fara ættu á fyllerí
og fá sér nokkrar jónur!

Benedikt: Fullvíðtækar ályktanir

Af Alþingi

Ég er að velta því fyrir mér hvort minnihlutinn sé í meirihluta á Alþingi. Ég hef nokkrum sinnum fylgst umræðum í sjónvarpinu og þar fer lítið fyrir meirihlutanum. Hann virðist vera í minnihluta.

Sjálfstæðisflokkur ekki útibú frá Viðreisn

Tjáningarfrelsi

Þingmenn oftast flestir fá
frelsi til að tjá sig
(raunar sumir þeirra þá
þykja gera á sig).

Misvísandi skilaboð ráðamanna

Lottó

Eitthvað hefur við bankann bæst
og bestu draumarnir ræst.
þeir hafa fljótt á þetta sæst:
Þrefaldur pottur næst!

Þrefaldur pottur næst

Svo vantar fleiri flokka!

Það verður stuð og stanslaust fjör:
Stofnaður fyrir okkur
er viljum sómasamleg kjör
sósíalistaflokkur!

Möguleiki á sósíalistaflokki

Jöfnun

Eflaust er jörðin alveg flöt.
Öðrum kenningum hafnað.
Upp í mig kemur aldrei kjöt
ókolefnisjafnað.

Lambakjöt verði kolefnisjafnað

Í Reykjanesbæ

Fjallasýn hérna af fegurð er rík.
Ég frábið mér illgjarnan róg.
Svo heilnæmt er loftið frá Helguvík
að það hálfa væri víst nóg.

Mótmæltu mengunarmálum United Silicon