Til næstu fimm ára

Kannski við gerumst nú smávegis smeyk,
smælingjar lands, að því gefnu
að nú ætli stjórnin að leika þann leik
að lögfesta hægri stefnu.

 

VSK lækkaður úr 24% niður í 22,5%

Kannski ekki besta orðið.

Núna hafa menn skálkana skoðað
í skýrslu frá rannsóknarnefnd.
(Varla úr rímorðum mörgum fæst moðað.
Man varla annað en hefnd!)

Blekktu stjórnvöld vísvitandi

Bótasvikin brugðust

Í umfjöllun Kastljóss um ætluð bótasvik sá ég glitta í blómaskreytingakonu.

Yfirvöldin illa sveitt
ætluðu sér að vega
bótasvikin blómum skreytt
sem brugðust algjörlega.

Er það ekki bara?

Við viljum engan grefils grút
sem gróða okkar heftir:
Við flytjum bara fiskinn út
og förum sjálf á eftir.

Afkoman í frjálsu falli

Kveðja úr Reykjanesbæ

Hér er ég búandi í brælunni,
bölvandi helvítis þvælunni.
Arsenikisti
orðinn og missti
andann af silikonsvælunni.

Vara menn við að hrapa að ályktunum