Athugasemd

Væri nú ekki ráð að lesa yfir fréttir áður en þeim er skellt á netið? 

Hafði komið sér fyrir í yfirgefnu húsi

Í gegn um sig neðanverða

Að verja sig henni var um megn,
Vaðlaheiðinni,
en hefur nú fengið gat í gegn
og gleymir reiðinni.

„Loksins loksins!“

Lögmálið og spámennirnir

Ef veifað er vænum seðli,
veskin takast á loft.
Skrýtið hvað skítlegt eðli
skýtur upp kolli oft!

Rímsins vegna (aðallega)

Slepjan hátt mun slaga í
slugs sem ekki ræða má.
Haldið skal til Haga því
sem hugsanlegt er að græða á.

Hagar kaupa Olíuverzlun Íslands

Föstudagurinn langi

Gerbrauðið myglað og grauturinn sangur,

gamli hátturinn rangur.

Hrellir og skapraunar allskonar angur,

ósköp er dagurinn langur!

Uppgangur

Ofurþenslu eru mér
orsakirnar kunnar:
Ferðamenn sem fjölga sér
í faðmi náttúrunnar.

Fjölgar mest í bygginga- og ferðaiðnaði

Gullskipið

Kona án spjara spinnur,
spóluna höndlar með gát.
Sá á víst fund sem finnur;
fjársjóð í sokknum bát.

Á sá fund sem finnur?

Ef þeir færu

Ómælt þeir öðluðust hrós,
ódýrt þeir létu sinn feng ei,
ef frændurnir færu til sjós
og fengju þá pláss á Engey.

Engey hlaut góðar viðtökur við komuna

Greining

Hvað í okkar ferli felst
fann ég eftir nokkurt skrun:
Það sem okkur þjakar mest
er þessi gervivelmegun.

Hraður vöxtur útlána

Sé svo

Oft að körlum böndin berast
bærist í þeim hvöt;
hann skal láta hluti gerast,
hún er alltof löt.

Sjö kynlífsstellingar fyrir latar konur