Toppurinn

Vilborg Arna er gífurlega glöð.
Getur fagnað sigri á Everest.
Komin er í heimsins hæstu röð.
Hún er bara einfaldlega best!

Vilborg á toppi veraldar

Ísland úr Nato...

Fyrst íslenskir verktakar geta ekki grafið
að gagni, þeir leggja á hafið;
þá djöfla við ætlum að finna í fjöru
sem fylltu landið af tjöru!

Framkvæmdir stöðvaðar í Reykjanesbæ

Út á þekju

Það var því miður vitlaust þak
sem vaskir járn af tættu.
Það sem áður ekki lak
nú er í slíkri hættu.

Fer til fjandans ef það blæs

Hann blæs

Blæs um heimahagana,
haffletina gára.
Ljóst að verðir laganna
lýsa eftir Kára.

 Lögreglan leitar að ábyrgðarmanni

Vinnslu grandað

Allan tókst víst ekki að laga
aðsteðjandi vanda.
Borin verður brott frá Skaga
botnfisksvinnsla Granda.

86 sagt upp störfum á Akranesi

Í tilefni veðurspár

Horfinn brottu virðist vart
vetrarkuldi og snjór.
Vorið foldu snöggvast snart,
sneri við og fór.

Líklega lokað milli Hellu og Hafnar

Hret

Hófleg verða hitamet
hér um næstu daga.
Skella mun á skítahret;
skjálfa blóm í haga.

„Hret í kortunum á miðvikudaginn“

Á Mannabar

Fer ég inn og fæ mér sæti,
finnst mér allt með góðu sniði.
Þar ég síðan þegið gæti
þurrkað kjöt af spænsku liði.

Á Mannabar er boðið upp á Mannakjöt

Að pota í heiðina

Þótt sprengjuregn bergið brjóti
svo buni heitt vatn úr grjóti
er geðið ei gramt.
Gleymum ei samt
að Ömmi var alltaf á móti.

Enn á móti gangagerðinni

Leita betur!

Hefur ei ennþá fundið fé,
þótt fjár hafi gætt af mætti.
Kannski er það skýring að Kristján sé
að kafna í þvermóðskuhætti!

Hefur ekki enn þá fundið fé