Á asnaeyrunum

Haft er eftir Jóhannesi í Bónus í síðasta Vikudegi að þeir Hagkaupsmenn hefðu verið dregnir á asnaeyrunum í sambandi við hugmyndir um nýja verslun á Akureyrarvallarsvæðinu. Fyrrverandi bæjarstjóri hafi bent á þann mögulega byggingarstað, en Sigrún Björk, núverandi bæjarstjóri segist ekki sjá fyrir sér að verslun verði byggð á þessu svæði og segi að bærinn hafi raunar aldrei léð máls á slíku.

Til sín lætur hún taka enn.
Títt hefur sést á Leirunum.
Hún er að draga Hagkaupsmenn
hingað og þangað á eyrunum.