Sjálfstæðismenn

Einhverjir  virðast aumir í skrokknum,
aðrir í sálinni (lítið).
En auðvitað ríkir eining í flokknum;
annað væri nú skrítið!

Pólitísk staða Vilhjálms rædd

Frænka

 Hvort sem henni kann að líka það betur eða verr, þá er nýráðinn aðstoðarmaður borgarstjóra allmikið skyld bloggaranum hallkri.

Þótt standi enn Ólaf styr um,
strax mun því kippa í lag
framsóknarkona fyrrum;
frænka mín enn í dag.

Ráðin aðstoðarmaður borgarstjóra

Æ

 Fyrrverandi borgarstjóri klökknaði í ráðhúsinu

Þykkur moldviðrismökkur
mengar í kringum REI.
Vesalings Villi er klökkur.
Víkur þó ekki. NEI.

Bót í máli

 Fagfólk valdi fanga saman

 

Ekki þykir öllum gaman.
Allt þó málið bætti
að fagfólk valdi fanga saman
með fagmannlegum hætti.

Ófremdarástand

Ég heyrði í útvarpi talað um slæma aðstöðu í fangelsum landsins og vandræði vegna þrengsla.
Mér datt nú í hug að kannski mundi líða að því að menn myndu hóta að hætta afbrotum í mótmælaskyni!

Þótt aðsóknin teljist vart ennþá mjög dræm,
ört getur vandinn stækkað,
því aðstaða í fangelsum er orðin svo slæm
að afbrotum gæti fækkað.

Samanburður

Hvorugur hyggst stíga sínum stól af.
Stéttarvitund lifir báðum hjá.
Fleiri styðja Ólaf heldur en Ólaf,
eftir því sem Gallup segir frá.

86% styðja Ólaf Ragnar

Jamm og jæja

 Sigurjón með 13,6 milljónir á mánuði

Landsbankinn kann greinilega vel að meta dugnað sinna manna……

Dável virðast dugnað meta.
Dýrtíð ennþá vex.
Það myndu fleiri þegið geta
13,6.

Nærri 40 milljarða hagnaður

Reyfarakaup - eða þannig

 Borgin kaupir Laugaveg 4 og 6 á 580 milljónir

Óli og Villi voru snöggir að bjarga götumynd Laugavegar. Það er kannski ekki algjörlega rétt með farið í vísunni að
þeir hafi keypt höll. En þið hafið auðvitað heyrt talað um skáldaleyfi! 

Á vandamálunum vinna þeir bug.
Veglega kaupa  höll.
Ég dáist að þessu, en dettur í hug:
Dýr myndi borgin öll.

Borgin kaupir Laugaveg 4 og 6

Ekki neitt káf

 Alvöru þreifingar milli Sjálfstæðismanna og Vg

Oft munu í pólitík allskonar hreyfingar,
og ástæða til að grunda þær,
Þótt auðvitað séu alvöru þreifingar
einkamál þeirra sem stunda þær!

Er mótbáran rök?

Dómurum tæplega duga mun skrök.
Drengsins staða var góð.
Auðvitað færði sko ráðherrann rök:
Reynslu í að dæma ljóð!

Dómarafélag Íslands: Ráðherra færði ekki viðhlítandi rök