Færsluflokkur: Stjórnmál og samfélag

Þó ekki væri

Ég hygg þeir á albestu stólana stefni
er stoltir í forsetakapphlaupið fara,
og því er það tæpast neitt undrunarefni
að Obama hugnist ei sæti til vara.
mbl.is Útilokar framboð með Clinton
Tilkynna um óviðeigandi tengingu við frétt

Bloggarar

Líklega af bloggi þeir láta nú senn,
liggjandi heima í fletinu.
Svívirða að mega ekki svívirða menn
svívirðilega á netinu!


mbl.is Dómi líklega áfrýjað
Tilkynna um óviðeigandi tengingu við frétt

Millur

www.visir.is  Forstjóri Glitnis lækkar laun sín um 50%

Óefað reynist það erfitt í raun;
ætti þó varla að saka.
Forstjóri Glitnis nú lækkar sín laun.
Líklega af nógu að taka.


Aðgát skal höfð

Þegar ég lít yfir bloggfærslur mínar tek ég eftir að nokkuð margar þeirra fjalla á einhvern hátt um blessaðan karlinn hann Villa. Maður má passa sig að leggja menn ekki í einelti þótt þeir liggi vel við höggi. Það mættu fréttamenn raunar einnig íhuga.

Þótt ekki sé talað um boð eða bann,
bloggfærslur skyldu menn vanda,
og sparka ei með látum í liggjandi mann,
þótt líklega telji hann sig standa.


mbl.is Vilhjálmur Þ. Vilhjálmsson víkur ekki
Tilkynna um óviðeigandi tengingu við frétt

Skoðanakönnun

 Flestir vilja Hönnu Birnu sem borgarstjóra

Alltaf er þessi Gallups glirna
glögg méð rétta hæð í pólnum!
Samkvæmt henni Hanna Birna
hafna mun í góða stólnum.


Í höfn

www.visir.is  Samningar í höfn í Karphúsinu

Nú þarf ei lengur að lemja
lóminn um okkar kaup.
Um borganir búið að semja.
Best að fá sér í staup!


mbl.is Taxtar hækka um 18.000 krónur
Tilkynna um óviðeigandi tengingu við frétt

Orðaskýringar

Það var hér um árið að ég var að vinna hjá Leikfélagi Akureyrar. Þá var Sigurður Hróarsson leikhússtjóri. Dag nokkurn kvaðst hann hafa verið á mánaðarlegum fundi forstöðumanna menningarstofnana bæjarins og þar hafi m.a. verið dreift blaðsnepli með ýmsum skrám og töflum til útfyllingar. Á þessum snepli hefði auk annars verið að finna eftirfarandi íslensk orð. Bað hann um aðstoð samverkamanna sinna til skilnings þessum orðum. Sem góður leikhúsþegn brást ég við þessari bón hans og útbjó skýringar á  þessum orðum.

Árangursstjórnunarkerfi                               

Kerfi til stjórnunar á árangri, felst einkum í því hvort  hugsað er á undan eða eftir framkvæmdum.

Árangursbreytingastjórnun

Að stjórna breytingum á árangri – felst einkum í
því að vinna hægar eða hraðar eftir atvikum,snertir
einnig lengd kaffitíma.

Aðgerðaráætlun

Rökstudd ákvörðun um að fara í aðgerð,t.d.brjóstastækkun eða kynskipti.

Árangurshugsun

“Höfum við gengið til góðs……”

Skorkort

Kort sem rennt er í skoru,t.d. Debetkort eða fríkort.

Skýjamarkmið

Stefnuákvörðun í blindflugi.

Orsaka – afleiðingasamband

Hjónaband eða sambúð.

Jafnvægisstillingarmæling

Ákveðin aðgerð á hjólbarðaverkstæði.

Árangursmælikvarði

Talning seldra aðgöngumiða.

Árangurshvati

Viagra.

Heildarskorkort

Kort notað í kappleikjum sem heimilar handhafa
að skora öll mörkin.

Afleiðingasamhengi

Gálgi fyrir tvo eða fleiri.

Árangursviðmið

Samanburður við meðal-Jón.

Staðbundin og heildræn endurgjöf

Æla.

Upplýsingagjöf

Gefinn lampi eða ljóskastari.

Drefistýring

Stilliarmur á áburðardreifara.

Viðhorfskönnun

Kerfisbundin athugun á meðvitaðri afstöðu manna til margvíslegra umhverfisþátta.

Fjárhagsáætlunarferli

Gjaldþrot eða bankarán


Heygarðshornið

www.visir.is  Guðlaugur Þór styður Vilhjálm sem borgarfulltrúa

Þótt fréttahaukar finni oft til svengdar
og fátt sem getur orðið þeim að mat,
þá verður heldur leiðigjarnt til lengdar
að lúta, vinda og staga gamalt fat.


Efnislítill fréttamannafundur.

Þótt fjallið tæki jóðsótt þá fæddist ekki neitt.
Fundurinn í Valhöll er nú búinn.
Villi sagði bara að það væri ósköp leitt
ef virðingu og trausti myndi hann rúinn.


Villi Vill

www.visir.is  Villi í BEINNI úr Valhöll

Hér ætlaði ég að blogga um þessa beinu útsendingu sem stendur yfir einmitt nú.
En svei mér þá - ég held ég sleppi því.


mbl.is Vilhjálmur: Hef axlað ábyrgð
Tilkynna um óviðeigandi tengingu við frétt

« Fyrri síða | Næsta síða »

Um bloggið

Skruddublogg

Höfundur

Hallmundur Kristinsson
Hallmundur Kristinsson

Hagyrðingur og hundraðþjalasmiður

Heimsóknir

Flettingar

  • Í dag (29.3.): 0
  • Sl. sólarhring: 2
  • Sl. viku: 44
  • Frá upphafi: 0

Annað

  • Innlit í dag: 0
  • Innlit sl. viku: 14
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • Bjarni
  • strjálir
  • tásur
  • Leyfið
  • 20170922 164501[1]

Innskráning

Ath. Vinsamlegast kveikið á Javascript til að hefja innskráningu.

Hafðu samband