Efnislítill fréttamannafundur.

Þótt fjallið tæki jóðsótt þá fæddist ekki neitt.
Fundurinn í Valhöll er nú búinn.
Villi sagði bara að það væri ósköp leitt
ef virðingu og trausti myndi hann rúinn.

Villi Vill

 Villi í BEINNI úr Valhöll

Hér ætlaði ég að blogga um þessa beinu útsendingu sem stendur yfir einmitt nú.
En svei mér þá - ég held ég sleppi því.

Vilhjálmur: Hef axlað ábyrgð

Sjálfstæðismenn

Einhverjir  virðast aumir í skrokknum,
aðrir í sálinni (lítið).
En auðvitað ríkir eining í flokknum;
annað væri nú skrítið!

Pólitísk staða Vilhjálms rædd

Æ

 Fyrrverandi borgarstjóri klökknaði í ráðhúsinu

Þykkur moldviðrismökkur
mengar í kringum REI.
Vesalings Villi er klökkur.
Víkur þó ekki. NEI.

Ófremdarástand

Ég heyrði í útvarpi talað um slæma aðstöðu í fangelsum landsins og vandræði vegna þrengsla.
Mér datt nú í hug að kannski mundi líða að því að menn myndu hóta að hætta afbrotum í mótmælaskyni!

Þótt aðsóknin teljist vart ennþá mjög dræm,
ört getur vandinn stækkað,
því aðstaða í fangelsum er orðin svo slæm
að afbrotum gæti fækkað.

Harkalegt

Mig langar að vekja athygli á þessari færslu Möguleikhússins.

http://moguleikhusid.blog.is/blog/moguleikhusid/entry/431433/

Það er spurning hvað ræður svona ákvörðun.

Samanburður

Hvorugur hyggst stíga sínum stól af.
Stéttarvitund lifir báðum hjá.
Fleiri styðja Ólaf heldur en Ólaf,
eftir því sem Gallup segir frá.

86% styðja Ólaf Ragnar

Hinsegin vísa

Konur þrá hvor aðra og karlar vininn sinn.
Kynin eru bæði að stunda drag.
Kannski mætti segja að kynhverfan sé inn.
Komdu útúr skápnum strax í dag!

Reyfarakaup - eða þannig

 Borgin kaupir Laugaveg 4 og 6 á 580 milljónir

Óli og Villi voru snöggir að bjarga götumynd Laugavegar. Það er kannski ekki algjörlega rétt með farið í vísunni að
þeir hafi keypt höll. En þið hafið auðvitað heyrt talað um skáldaleyfi! 

Á vandamálunum vinna þeir bug.
Veglega kaupa  höll.
Ég dáist að þessu, en dettur í hug:
Dýr myndi borgin öll.

Borgin kaupir Laugaveg 4 og 6

Ekki neitt káf

 Alvöru þreifingar milli Sjálfstæðismanna og Vg

Oft munu í pólitík allskonar hreyfingar,
og ástæða til að grunda þær,
Þótt auðvitað séu alvöru þreifingar
einkamál þeirra sem stunda þær!