Komið nóg

Svo gangi ég ekki af göflunum
ég geri því nú skóna
að hætti ég brátt að yrkja um
alla þessa dóna.

Sígilt verk á fjölunum

Rökkurskýjareikendur
ráfa nú um fjalirnar.
Klausturlífsins leikendur
líða vítiskvalirnar.

„Miður mín yfir mörgu sem ég sagði“

Frétt af Alþingi

Hér á þingið hafa ný
heillaskeyti borist:
"Tökum sæti eins og í
ekkert hafi skorist!"

Gunnar og Bergþór aftur á þing

Áfram veginn

Stundum þingi okkar á
er á mönnum flaustur,
enda fýsir alltaf þá
aftur að fara á Klaustur.

Hnýtt í Bergþór og Gunnar Braga

Fátækt ( sjaldan er góð vísa of oft kveðin)

Enn á lofti eru teikn
um að þetta hyski
loksins geti fengið feikn
fjár á silfurdiski.

„Vasar þeirra ríku dýpka“

Fátæklingarnir

Enn á lofti eru teikn
um að þetta hyski
loksins geti fengið feikn
fjár á silfurdiski.

Fjármögnun tillagna á byrjunarstigi

Varúð

Eflaust má áreiti heita
olíumáluð nekt,
og líkast til best að beita
bankana stjórnvaldssekt.

Héngu á skrifstofu karlkyns yfirmanna

Hjólum í tíkina

Margt er nú skrifað og skrafað
og skeggrætt í pólitík.
Orð hefur stjórnin stafað:
Stefnan er engu lík.

Skuldir lækkað um 660 milljarða frá 2013

Í annan stað

Um hvernig fór hér forðum
á fráleitt geðslegan hátt
stendur nú orð gegn orðum
og ekki grillir í sátt.

Segir sögurnar uppspuna

"Ég er nóg"

Öllu meir þarf ekki hér
af illmælgi og róg
sérfræðinga, enda er
Alda Karen nóg.

Fáir með öll svör við sjálfsvígum