Það hlaut að vera

"...nema það sé bara þannig að borg­ar­stjórn­ar­flokk­ur Sjálf­stæðis­flokks­ins sé geng­inn í Vig­dísi Hauks­dótt­ur,“ sagði Dag­ur.

Ekkert er skrítið þótt Eyþór sé glaður,
með áferð grænmetismauks.
Greinilegt er að sá góði maður
er genginn í Vigdísi Hauks.

Dagur segir Eyþór hafa hlaupið á sig

Eins mig fýsir alltaf þó - aftur að fara í göng

Býsn í göngin borga má.
Brautin nýja engan svíkur.
Þótt fjarlægðin geri fjöllin blá,
ferðin styttist til Húsavíkur.

Segir tíma til greiðslu of nauman

Pólitík

Þetta er ekki fögur flík
þótt fari sumum vel.
Ljót er þessi leiða tík.
Líkist kjafti skel.

„Svona getur nú pólitíkin verið ljót“

Vinnustofa Hallmundar

https://www.facebook.com/Halllist/

 

Hlutarins eðli

Augljóst í rauninni er það nú bara,

annað eins gæti nú skeð,

að kunni hún illa með fjármuni að fara

sem fé hefur áður ei séð!

 

Karl Gauti sár og hefndargjarn

Hvað slær klukkan?

Hendi þarf að taka til.
Tímans hjóli breytið!
Kann á þessu kerfi skil
Klukkuráðuneytið.

„Alls ekki klukk­unni að kenna“

Munu leggja Bjarna og segja upp fólki

Ég las bara fyrirsögnina. Vísan er því byggð á röngum forsendum.

Ríkið í ógáti fram úr sér fór
í fjármálum. Illt er atarna.
Menn sjá að vandinn er mikill og stór
og munu því leggja Bjarna.

Munu leggja Bjarna og segja upp fólki

Orðin

Lýst hefur verið orði ársins;
ágætast þótti og brúklegt plokk.
Síðan var litið til fjölmiðlafársins
og fundið út nýyrðið Klausturfokk!

Ath.: Plokk er tilnefnt af Árnastofnun. Orð ársins hjá RUV var kulnun.

Kulnun, Klausturfokk og plokka