Góðærið

Vinnulaun pöpulsins verða að lækka.
Vísa skal öðru á bug.
Vísitölurnar voru að hækka
og verðbólgan komin á flug!

Mesta verðbólga síðan árið 2013

Húsnæðismál

Ef að nú kaupa mér íbúð ég vil,
ekki mun sleppa frá refjum;
hækkandi vextirnir hjálpa ekki til
að halda verði í skefjum.

Hækkandi vextir hjálpa ekki til

Braggablús

Menn þekkja upp á tíu tær
töframátt skipulagsins.
þannig voru gerð í gær
gæluverkefni Dagsins.

Krefst þess að Dagur segi af sér

Fjarvist

Ef að rætt skal okkar plott,
og annar gamall vandi,
virðist okkur voða gott
að vera fjarverandi.

„Hafa enga skyldu til að mæta“

Það er margt í mörgu

Þegar menn axla sín þingmannaskinn
þá er ei ein Báran stök.
Það var gáfaður maður er sagði eitt sinn:
Sjaldan er mótbáran rök.

Ágúst stóð einn að sinni yfirlýsingu

Æ, æ, æ!

Gæta sín neðan mittis má
margur íslenskur sonur.
Það fer að verða þjóðarvá
að þingmenn umgangist konur.

Virða ákvörðun Ágústar Ólafs

Næst

Næst þegar karlarnir kláru
koma sér fyrir á bar
hæfilegt borð fyrir Báru
ber þeim að tryggja þar.

 

„Ég er þessi Marvin“

Hann Bjarni

Gerir flest að gömlum sið.
Gróða stórra dýrkar mátt.
Hverri krónu veltir við
svo velti hún í rétta átt.

Snúa þarf við hverri krónu

Venus

Helga stjörnu hylur ský,
himininn er rokkinn.
Allar konur ættu því
að elska á sér skrokkinn.

Konur sem elska líkama sinn segja frá

Í Reykjanesbæ

Hér í bænum höfnum við
og hafna ávallt munum
þeim sem vilja leggja lið
loftslagsbreytingunum.

Frestur vegna athugasemda framlengdur