Rímsins vegna

Skrattinn má þetta þorp hirða!

Það er svo léleg sorphirða.

Þá er nú betra hjá bændunum

að búa með uppáhaldsfrændunum!

 

Ekki af baki dottinn

Þótt ekkert sé nú um að vera,
engu fær það breytt:
Vandaða nú vil ég gera
vísu um ekki neitt!

Nú er það svart!

Brátt við getum ei lifað lengur;
laugardagur er skapadægur.
Veistu ekki að það er verkfall,drengur?
Vertu nú bara hægur!

Getum lifað fimmtudag og föstudag

Stöðvunarskylda?

Sólveig hamast og hamast.
Hún er svolítið æst!
Samfélagið mun lamast;
líklega stöðvast næst.

Íslenskt samfélag mun lamast

Í sjónvarpi

Gísli Marteinn var að gantast með veðrið í sjónvarpinu...

Kíkjum á helvítis kortið;
kolbrjálað veðurfar!
Þá er að spá í sportið,
Spurning um veðrið þar.

Skamm skamm!

Ókurteisi Eflingar
er þeim mjög til vansa.
Orðum þeirra vísast var
varla þörf aö ansa.

Bjarni: Fráleitt og til skammar

Skítlegt

Til að forðast hugsanlegan misskilning skal tekið fram að þessi er nokkura ára gömul.

Eiga á hættu ærutap
úldin ber á lyngi.
Enn má finna skepnuskap
og skítlegt eðli á þingi.

Við Íslendingar

Náttúrulega ei neitað því
nokkur maður gat
að við erum bara bestir í
að borða vondan mat.

Íslenska eldhúsið valið eitt hið versta í heimi

Alþingisfréttir

Fluttu þau eina og eina ræðu,
á þeim var tæpast lát.
Loksins þó eftir langa mæðu
lögðu þau árar í bát.

+ 0,5

Alltof mikið oft við kaupum.
Afleiðingar kunnar:
Undan skýst á harðahlaupum
hámark verðbólgunnar!

„Við erum reiðubúin að halda áfram“