Gestur í Silfrinu

Við göngum nú fram með þann góða sið
að gera það sem við ætlum,
því allt þetta stjórnarandstöðulið
er augljóslega í tætlum.

Samruninn kunni að bæta lánskjör

Reykás?

Gott að kanar skyldu skjóta
skoðunarbelginn niður.
Þó er varla það til bóta,
því er nú ver og miður.

Skutu loftbelginn niður

Einangrun

Einangrun þá allri lýkur,
er efnið til þess fæst.
Um endilangan fjörðinn fýkur;
frauðplast hendi næst!

Frauðplast fýkur um Tálknafjörð

Valdarán?

Að hann verði eitthvað seinn
enginn skyldi halda.
Óðar kemst þá Aðalsteinn
í Eflingu til valda!

Sáttasemjari getur ekki sætt sig við forystuna

Tíu stofnanir umhverfisráðuneytisins verða þrjár

Ef að stjórnvöld þjakar einhver þreyta

þá er gott að hafa ráð til taks;

lausnin er að breyta til að breyta,

þótt batamerki sjáist ekki strax.

Á Alþingi

Allt þetta ganga mun afspyrnuvel.

Á Alþingi veitist oft frestur.

Þar eru málefni þöguð í hel.

Það er stjórnsýslubrestur.

Frá elítunni

Hækkunarfasinn hlálegi
heillar oft vinnuþý.
Verðbólgudraugurinn válegi
vakinn er enn á ný!

Samþykktu verkfall á Íslandshótelum

Kvenlýsing

Ekkert mjög svo illa þokkuð.

Aldrei leiðitöm.

Oftast raunar er hún nokkuð

umhleypingasöm.

Brugðið af vana

Málanna mörgu kantar
maska föstum vana
þegar varahlut vantar
veðurfræðingana.

Veðurfræðingurinn horfinn af skjánum

Ein gömul

Þótt kvíði ég lífsins lægðum
og litlum andlegum hægðum.
Mér sýnist það svart.
Það sakar þó vart
að lifa á fornum frægðum!