Heift og tryllingur

Byltist um brautu hála,
baráttuviljinn skín,
sífreri samningamála:
Sólveig og Benjamín.

Ráðist á Eflingu með „fordæmalausri heift og tryllingi“

Tilbrigði við gamalt stef

Prinsinn góða pirrar baunin.

Hann plottar eftir línunni.

Það eru eflaust lægstu launin

sem liggja undir dýnunni.

Upp úr dúrnum

Í mér býr kynnginnar kraftur.
Kemst því, eins og ég segi,
á lappir, en legg mig svo aftur
og lúri fram eftir degi.

Er bannað að banna bönn?

Þótt fyrir liggi fátækt sönn
og farið sé að lögum,
varla ráða bönnuð bönn
bót á mínum högum.

Greitt úr sjóðum annarra félaga í verkbanni

Vandi Ástráðs

Verki þarf að vinna að
sem verða kann að báli.
Þau farin eru að fjalla um það
sem frekar skiptir máli.

Vissulega virðist þér
vandi fyrir höndum,
einkum ef að frekjan fer
fullkomlega úr böndum.

Farin að ræða atriði sem raunverulega skipta máli

Himinn og haf

Vendinum veitir ekki af.
Verkföll að forðast er staut.
Skilur að himinn og haf.
Hérna er allt í graut.

Ódýr vísa

Erfitt var Halldór að hemja,
Hann vildi aumingja lemja.
Heyra má Aðalstein emja:
Ástráður, láttu þau semja!

„Nú er deilan öll eftir“

Staða mála

Eitt hefur vakið mér eftirtekt:
Um þetta málið snerist;
hvort eitthvað reynist nú raunverulegt
og ræður því hvað hér gerist!

Fresta ekki nema „eitthvað raunverulegt“ komi

Fréttaskýring

Í bankakerfum búast má
við blíðukenndum þreyfingum.
Skýringin er þarna þá
á þessum Kvikuhreyfingum.

Grunur uppi um kvikuhreyfingu

Ég geng í hring ...

Nú er varla nokkur leið,
nema ganga í hringi,
að skilja vel þá ringulreið
sem ríkir oft á þingi!

Þessi á nú kannski ekki við núna, á meðan svokallaðir kjördæmadagar standa yfir, en á annars oft við; allt of oft.