Hvað er svona merkilegt við það...

Ef atferli karlmanna,framgöngu og fleira,
frjálslega um er rætt,
vinsældum manna og virðingu þeirra
virðist oft skeinuhætt.

Að verja þjóðverja

Þjóðverjarnir stoltir eru og státnir,
þótt stefnan hafi reynst þeim allavega.
Bólusettir, læknaðir og látnir
og líkar það víst bara þokkalega.

Þjóðverjar verða „bólusettir, læknaðir eða látnir“

Í anda Steins

Að kjósa til þings er kostulegt glæfraspil,
en kannski í rauninni þó ekki svo galið.
Þótt þú tapir það gerir ekkert til.
það var nefnilega vitlaust talið.

Það er nú svo

Oft var það svona og enn er það nú,
þótt ýmsir í bakkana klóri,
hjá peðum í leiknum er pælingin sú:
Panta að vera sá stóri!

Leikjunum stundum sá ljóður er á,
þeim litlu veitast ei byrir
og voldugir aðilar valta yfir þá
sem veginum eru fyrir.

Í morgunsárið

Íslenska menningu stundum ég styð.
Stórgóðar hugmyndir virkja.
Snemma í morgun ég vaknaði við
að vera farinn að yrkja!

Vorið góða - (bætt útgáfa)

Vorið betra, breytt og hlýrra,
bætir fjörið hér í sveit.
Allt er nú sem orðið nýrra,
eftir því sem best ég veit.

Fyrir þremur dögum

Oft er hér í koti kátt.
Krakkalingarnir ungu
ensku máli dilla dátt
á degi íslenskrar tungu.

Bólusetningar

Því ekki að gera allt það sem er gaman?
Þið skuluð reyna að sjá okkar hlið.
Hetjurnar greinast nú hundruðum saman.
Hættið að testa! Þetta erum við!!

Skáldlegt

Það eru margir áratugir síðan ég uppgötvaði að nóg væri að nota lífsins eitthvað í vísurnar til að þær yrðu skáldlegar. Gríp stundum til þessa ráðs (með misjöfnum árangri).

Jafnvel þó að lífsins ljóðið

liggi á milli vatna,

virðist ekki vísnaflóðið

vera neitt að sjatna.

Leiðréttingar þörf

"Þetta er eini hluti braut­ar­inn­ar sem hef­ur ekki þegar verið breikkaður í þá mynd."

Hvað þá með spottann frá hringtorginu við Fitjar að Rósaselstorgi? Hann tilheyrir Reykjanesbraut, hefði ég haldið, og bara með eina akrein í hvora átt.

52 þúsund bílar á Reykjanesbraut