Ein lítil skáldsaga

Dag einn hittust A og B. Eftir að fundum þeirra lauk sakaði A B

um að hafa haft sig að fífli.

B neitaði því.

B sakaði hins vegar A um að hafa haft í hótunum við sig.

A neitaði því.

Dómsvöld gátu ekki skorið úr um hvor segði satt vegna þess að þau

þekktu ekki málavöxtu.

Þá var bara eitt til ráða: Að vísa málinu til Dómstóls götunnar.

Kommentakerfin voru virkjuð og kosið um hvor segði satt, A eða B.

Til að gæta hlutleysis voru engin nöfn nefnd. Kosning er í gangi

og úrslit væntanleg þegar næsta mál kemst í hámæli.

Heillaráð til karla

Hafirðu fljóðið fangað

og fundist þig hafi langað

að láta til skarar skríða

skaltu samt ekki ríða

nema um vilja hennar sé vitað,

vottfest og undirritað.

Ingó veðurguð sakaður um kynferðisofbeldi

Pólitík

Múður oft er mörgum tamt.
Mjög er slíkt til vansa.
Allir limir eftir samt
einhverju höfði dansa.

Harður húsbóndi

Á því sé enga hængi

að ég hjá henni sængi.

Ég verð þá ær.

Ástríðan fær

byr undir báða vængi.

Ég ætlaði að segja annað.

(Að yrkja er varla bannað.)

En rímið það ræður

hvað rennur um flæður.

Þetta er þar með sannað.

Rímið er húsbóndi harður.

(Á himni er máninn skarður.)

Það virðist þó verst;

hversu vel sem ég berst

skapast þó enginn arður!

Fylgja skammrifs

Virðist alveg virka enn
veðurblíða.
Covidfullir ferðamenn
fóru víða.

Sumir ferðamannanna höfðu farið „ansi víða“

Gleði, gleði

Nú þegar loks ég er nýorðinn frjáls
ég nýt þess að umbuna mér
og viðbúið er að ég hlaupi upp um háls
á hérumbil hverjum sem er!

Öllum takmörkunum aflétt innanlands

Óður til heilbrigðisráðherra

Ónæmisbuska ur öskunni rís.
Ábyrg þó sinna gerða.
Megi okkar hjartkæra Heilbrigðisdís
heillarík ávallt verða.

Um 90% með mótefni eftir að allir hafa fengið boð

Hættan orðin að veruleika

Um miðjan mánuðinn birti ég þessa vísu. Tilefni til að endurtaka
hana nú:

Ýmiskonar sjónarmið má sætta.

Sættast má við ofurlitla bið.

Brynjar kannski hættir við að hætta:

Hættan á því blasir okkur við!

Segist hafa sannfærst um sigur sinn og þiggur sæti

Gömul vísa um stjórnmálamenn

Sagt er að finnist á Alþingi enn

allskonar fjörulallar:

Lygarar, kratar og landráðamenn,

ljóskur og rugludallar.

 

Of erfitt

Á Boðnarmiði,fésbókarhópi hagyrðinga, kepptust menn við að lýsa sjálfum sér. Ég treysti mér ekki að taka þátt í þeim leik:

Að lýsa í fáeinum línum
hve lundin er fáguð og sterk
og segja frá mannkostum mínum
væri mikið og krefjandi verk.