Guðmundur Ingi

Vongóður ég vísa til
vinstri stefnu þinnar:
Að þú gerir einhver skil
öldrun þjóðarinnar.

Ætlar að bæta kjör og stöðu aldraðra og öryrkja

Ný og betri (?) ríkisstjórn

Nýja ríkisstjórnin þarf líklega að fá einn svartan bíl í viðbót. Rafknúinn að sjálfsögðu - eða hvað?

Nýtt ríkisráð fundar

Fuglagreyin vita sínu viti

 

Tilfinningu þá ég þekki;

það er hvorki né.

Varpfuglarnir vilja ekki

vera í ESB.

Guð blessi umhverfið

Breyting völdum verður á.
Við sig sjallar bættu.
Þetta líst mér illa á:
Umhverfið í hættu!

Framsókn stýri heilbrigðisráðuneytinu

Tækifærisvísa

Ráðsettur karlhlunkur reikaði á bar.

Reyndust þar brautirnar hálar.

Aumingja maðurinn einungis var

alsaklaus dreginn á tálar!

Er nauðsynlegt að brjóta þau?

Til að ekki stefni í strand

stöðug efnishyggja

þá skal hér með lögum land

líklega ekki byggja.

Að samþykkja sjálfan sig

Ég þarf ekki að rífast við Pétur og Pál.
Það plumar sig minn eigin flokkur.
Þegar við kjósum um þess háttar mál:
Það er í lagi með okkur.

Kjörbréf allra þingmanna staðfest

Spáð í spilin

Þótt ýmislegt finnist í ágætu standi
og efli margir sinn hag,
er þó krónískur vitsmunavandi
víða þekktur í dag.

 

Ef um málin illa semst

og engan tekst að blekkja,

valda mun því fyrst og fremst

frammistöðuskekkja.

Faraldur Fannar Snæsson

Segja vil ég fréttir fús:
Faraldur er vandi.
Á Íslandi er mikil mús,
mest á Suðurlandi

Gömul kenning, sé hún sönn,
síst mun leysa vandann.
Allt mun verða fullt af fönn.
Færðin tefur landann.

Músafaraldur á Suðurlandi

Jaml

Eftir langvinnt japl og juður
játast yður:
Þú átt að kjósa út og suður,
upp og niður.

Líklega samstíga um uppkosningu