Leikkona á Kanarí

Ef raunhiti og rakastig
réttan kokkteil gera,
kann hún vel að sóla sig
svona alveg bera.

 

 

Barist við vindmylur

Heillaði í fyrstu myllan mig
er mætti hún sárri nauð.
Varð þó loks að láta sig
og lagðist niður dauð.

Vindmyllan loks fallin

Yfirtaka

Allt er nú með breyttum brag,
berin ný á lyngi.
Gleðilegan gelludag,
gaman er á þingi!

Ungar konur taka yfir þingið í dag

Í sjónvarpi

Nú verður hjá okkur stiklað á stóru
í stöðugri menningarseyrunni:
Á margskonar viðburði fjölmargir fóru
og fengu sér skammta af veirunni.

Ójöfnuður

Sumir telja heimskra hjal

hampa kerfi slíku:

Fátæklingum fórna skal

fyrir hina ríku.

Jól

Hér er víða heims um ból

haldið upp á jólin.

Álfarnir sér öruggt skjól

eiga á bak við hólinn.

Ríkisstjórnarfundur (birt án ábyrgðar)

Á ríkisstjórnarfundi friður
fékkst um ráðin sóttvarnar.
Boltakarlinn barði niður
Bjarna,Jón og stelpurnar.

 

Sóttvarnaaðgerðir verða hertar

Já, einmitt

Að fylgi smitið flokkslínum
furðulegt má kalla.
Varla er það til vitnis um
að veiran sé fyrir alla!

Allur þingflokkur Viðreisnar smitaður

Negla

Mun þá fólk sem kemur akandi á nagladekkjum yfir svelli lagðar heiðar þurfa að leggja bílnum við borgarmörkin og ganga á leiðarenda?

Naglana burt og starfsfólk í nám

Vissan er best

Helst skal óvissu eyða,
alltaf er hvimleið slík.
Eyþór langar að leiða
listann í Reykjavík.

Eyþór vill skýrt umboð í prófkjöri