Hreinn hættur

Í starfinu Hreinn er hættur.
Honum féll Jón ekki í geð.
En skaðinn er býst ég við bættur,
ef Brynjar er ennþá með.

Hreinn hættur við að aðstoða Jón

Af alþingi

Nú er það sagt að í sögum
segi af fátækra högum.
Lýsing er ljót.
Leið fyrir bót
finnst ekki í fjáraukalögum.

Sveik loforð við Ingu í jómfrúarræðunni

Ormur á gulli

Best að þær flestar feli

svo færri þær geri að sínum.

Eins gott að enginn steli

öllum vísunum mínum.

Flækjustig

Höfundar eiga í erjum
um hverjum heiður ber.
Spurningin hver frá hverjum
og hverju stolið er.

Hljóta kunna einhvern arð

ef þeir teljast höfundar,

en í þeirra góða garð

gætir kannski öfundar.

 

Líklega ritstuldur hjá Bergsveini

Heilbrigðisráðherra

Takti í embætti nýr hann náði,
nú er þetta hans starf.
Eðli ráðherra að hann ráði
öllu sem ráða þarf.

Vill að ráðherra skipi sóttvarnalækni

Ekki búið

Í talningarmálin nú hlaupa kann harka.
Horfa á klúðrið má ólíkri sýn.
Alþingiskosningar ekkert að marka,
enda í rauninni misheppnað grín.

Ekki útilokað að ógilda kosningarnar

Birgir Ármannsson

Setti þingið sæll og hreykinn.
Hann sómamann ég tel,
þótt kannski ekki kúluleikinn
kunni nógu vel.

Glænýjum forseta varð á í messunni og tók hlé

Lítilræði

Eftirlaunin eru treg.
Engir látast heyra.
Fjárlög heldur fátækleg.
Fæ ég ekki meira?

„Halda áfram að halda fátæku fólki í fátækt“

Hringt í vin

Eg hringi nú af því í þig

að þú ert góður kall.

Gætirðu kannski munstrað mig

á meðalstóran dall?

 

Katrín Jakobsdóttir

Hefur oft af miklum mætti
margt eitt stríðið háð verra
en líta á hvort leyfa ætti
lausagöngu ráðherra.