Upprifjun

Minning um magnaðar stundir.
Man þetta sérhver kjaftur.
Það verða fagnaðarfundir
að finna lyktina aftur!

Líklegt að íbúar finni áfram einhverja lykt

Jafnvel þótt í potti sé

Nekt er ekki aðgangsheimild!

Like

Þótt hún sé á teppi tæk,
er tryggur hennar klassi,
en stundum getur lítið læk
lyft upp þungu hlassi.

Segir störf sín sýna að hún standi með þolendum

Lækur tifar...

Sólin skín á vík og voga.
Varla er þó öllum skemmt.
Og að setja læk á Loga
er líklega heldur snemmt.

Umdeilt læk ráðherra

Eigin konur?

Sakaðir margir um kynferðiskukl.

Karlmennskan hnigin til viðar.

Ef ég er vændur um þessháttar þukl

þarf ég að stíga til hliðar.

 

Fjölgaði lengi og fjölgar þeim enn

sem fara þurfa í sóttkví

og ýmsir þjóðþekktir athafnamenn

eru komnir í "ljóttfrí"!

Ekki er það gott

Fjölgaði lengi og fjölgar þeim enn
sem fara þurfa í sóttkví
og ýmsir þjóðþekktir athafnamenn
eru komnir í "ljóttfrí"!

Logi í leyfi

Stöðuuppfærsla

Augljóslega ýmsa þætti
endurskoða bráðum verð.
Í hreinskilni ég held það mætti
hægja á minni vísnagerð.

Limra

Alltaf var sver hún Solla;

sannkölluð feitabolla.

Fráleitt þó fitu-

fordómar bitu

og naut hún því ásta með Olla.

Endurminningar

Árangri lífs míns ég ætlaði að lýsa,

og ýmsu sem heppnaðist mér.

Þá kom í huga mér þessháttar vísa,

sem því miður lýkur hér.

 

Virkir í athugasemdum

Margt er á netinu. Margir sem deila.

Mörg eru viðbrögðin þétt.

Kvartsár þar sum eru kannski með heila,

en kunna ekki af nota hann rétt!