Þetta er auðvitað bilun

Sjaldan er gagn að galdri,
þótt gjarnan sé eitthvað reynt.
Oft það bitnar á Baldri;
bilunum varla leynt.

Þurfi bráðabirgðalausn fyrir næsta vetur

Íbúðaleit

Kanínurnar kjósa sér
að kaupa eða leigja.
Hvort þá heldur ekki er
alveg gott að segja.

Kanínurnar í Elliðaárdal leita sér að nýju heimili

Fasteignavernd?

Ekki í rauninni þetta ég þekki.
Það er sko merkilegt nokk.
Erlendir kúnnar þeir kannski fá ekki
að kaupa sér íbúð í blokk.

„Þú mátt samt ekki kaupa þér íbúð í blokk“

Næsta verkefni?

Biðin hún var býsna löng.
Beggja vega
virðist þurfa varagöng,
virkilega.

Hvalfjarðagöngum lokað vegna umferðaóhapps

Byr ræður för

Efalaust kominn nú er hann í lag.
Úthald er batnað og kraftur.
Baldur hann siglir víst síðar í dag
og síðan aftur og aftur.

Baldur siglir síðar í dag

Kóngur vill sigla...

Flókið er ferð að plana.
Ég færi þó ef ég þyrði.
Baldur er vélarvana
að velkjast á Breiðafirði.

Farþegaferjan Baldur vélarvana á Breiðafirði

Skallaskjall

Þessir eru býsna margt að bralla.

Það besta er og þykir alltaf gott;

að flestir hafi skolli fína skalla

skiljanlega þykir bara flott!

Frægustu íslensku skallarnir

Heima hjá pabba og mömmu

Börn skuli foreldrum búa mest hjá,

bitnum af skuldanna tönnum.

Með því er auðvelt að forða þeim frá

fjárglæfrabankanna mönnum.

Gætu þurft að búa lengur í foreldrahúsum

Vinstri blágrænir

Feigðargötu fer á brokki

flokkurinn með hraði.

Víkja skal úr verndarflokki

og virkja nokkra staði.

 

Vatnsaflsvirkjun ein og ein

enginn þykir skaði.

Áfram streymir orkan hrein.

Allt fer vel á blaði.

Rammaáætlun III samþykkt

Áhyggjuefni

Að koma á lögum um verslun á víni
virðst mér töluverð brekka.
Fráleitt um þetta að fjalla í gríni.
Fæ ég þá ekkert að drekka?

Ekki náð að stilla sér saman um netverslun áfengis