Spurning um aðferðafræði

Í það er ég spennt að spá.
Spurning um að vilja.
Ég væri alveg sátt að sjá
sölu. Kveðja, Lilja.

Sátt verði að ríkja um aðferðafræðina

Hjónabandssáttmáli

 

Að allt verði uppi á borðum,

opið í föstum skorðum,

losta mun ljá,

líkt eins og hjá

Adam og Evu forðum.

Ríkuleg ráðning

Rausnarlegu Rósa fær
ráðamannalaunin:
Milljónirnar meira en tvær.
Mun sú vera raunin.

Rósa með yfir tvær milljónir á mánuði

Eða hvað?

Launagreiðslum er nú í

eitthvað sem mun valda

hækkunum hjá þeim sem því

þurfa á að halda.

 

„Siðferðisbrestur“ ef laununum væri ekki skilað

Oft var þörf...

Það er ljóst að þörf er brýn.
Í þjóri náum metinu.
Nauðsynlegt að veita vín
og versla það á netinu.

Áfengissala netverslana aðeins kærð tvisvar

Staðsetning finnst ekki

Þetta svæði byggja ból
bandittar og þjófar,
dusilmenni, fífl og fól,
fantar og verstu bófar.

Location not found       Staðsetning finnst ekki.

Hagnaður

Nú birtist víða vottur
viðskipta ferðamanna:
veggjalús, rusl og rottur
raungildi þeirra sanna.

Veggjalýs og rottugangur með fjölgun ferðamanna

Aðferðafræði

Kúrekastelpan og Kjöltustaðan,
kannski Skeiðin og Hundurinn lati.
Í hugmyndum ágætum héðan og þaðan
Hálfur trúboði stendur á gati.

Kynlífsstellingar sem bæta endinguna

Rétt netfang

Fautar þeir sem fíla hrekki
fara margs á mis,
sem að nota sjálfir ekki
simnet.is.

85-95% netárása með samþykki notenda

Alt uppi á borðum

Launakjörin opin öllum.

Allt er sett á blað.

Stæði nærri stórum köllum!

Stefna mættu á það.

Launakjörin opin öllum