Halda skaltu hvíldardaginn ...

Allan daginn á við mig:

Ólgar lífsins kraftur.

Á lappir til að leggja sig,

og leggjast síðan aftur.

Mátti þetta einhvern tímann?

Auglýsingin ansi fín
og í góðu lagi;
kynnir miðlægt karlagrín
af kynferðislegu tagi.

Lán í óláni / ólán í láni

Þótt þér finnist lífið leitt,

leggðu meira undir.

Sorg í gleði geta breytt

góðra vina fundir.

 

Ýmsum ráðum ást fær beitt

og um þessar mundir

örvum getur út um þeytt

allar koppagrundir.

 

Öll við getum okkur veitt

ótal glaðar stundir.

Þó mun plaga okkur eitt:

Innviðirnir hrundir.

Ekki eru alltaf jólin

Ok er mörgum illa drægt.
Ýmsir bera hlekki.
Góðir hlutir gerast hægt
og gerast stundum ekki.

Ástandsmat

Stefnan er reikul og rambandi.
Ræpuna lepjandi og þambandi
virðist í erfiðu ástandi
alþýða í klofnu sambandi.

ASÍ standi ekki undir sér án Eflingar og VR

Kaup kaups?

Frelsi bráðum fáið þið.
Fyrir ykkur þakkið;
Hryðjuverkin hættið við
og hrellið ekki pakkið!

Varðhald beggja mannanna stytt um viku

Leiðindafréttir

Deilt er fréttum leiðinlegum:
Lófaklapp er dræmt
af því loka verður vegum;
veðrið er svo slæmt.

Vegagerðin byrjuð að loka vegum

Válynd veður

Stundum hefur þótt örla á sjáfshóli í kveðskap mínum.

Glittir enn í gort og mont,

þótt gangi mjög á forðann.

Bráðlega mun verða vont

veðrið fyrir norðan.

Fyrir næstu jól

Maður finnur ýmislegt misgamalt í tölvunni sinni.

Eins og t.d. þennan jólatexta. Hann er náttúrulega nokkuð snemma á ferðinni, en það er þá góður tími til að læra hann fyrir næstu jól!

Konan var alveg hreint komin að burði,

svo kippa varð henni í skjól.

Í vindbörðu fjárhúsi vondauf hún spurði:

Verðum við hér þessi jól?

Hún leitaði að bæli. Er lagðist hún niður

varð lítil á fæðingu töf.

Það var í Betlehem þarlendur siður

að þakka guðanna gjöf.

Jósef minn, hreint ekki þér er að þakk´ann;

þú veist ég ýmislegt get,

glettin hún sagði og grenjandi krakkann

í galtóma jötuna lét.

Talsverða áður við töldum það firru

að taka á sig þvílíka ferð.

En reyting af gulli og reykelsi og myrru

við reynum að koma í verð.

Eða þannig...

Rekst ég vart á skaðlegt sker

þótt skrokkurinn sé lúinn,

vegna þess að andinn er

ávallt reiðubúinn!