Íhlutun

Orti ég um veðrið eitthvert vorið,
sem virtist koma á himnafeðga hik:
-Haldið áfram þessu ef þið þorið!
Þá loks náði sólin sér á strik.

Um veðrið

Ort um veðrið eitthvert vorið fyrir áratugum síðan.

Því er líkt og það sé ennþá vet­ur.
Þannig virðist himna­feðga plott.
Ég held þeir ættu að hugsa þetta bet­ur,
hér er veðrið ekki nógu gott.

Ég sam­band við þá hafði að mín­um hætti,
í himna­ríki sendi tölvu­póst,
skrifaði að veðrið það mér þætti
þjösna­legra en við ég áður bjóst.

Ans­ar þessu svo minn hái herra,
hugs­ar málið tölu­verða stund:
„Trúðu mér, það gæti verið verra,
viltu ekki bara éta hund!“

 

Gamall og nýr ágreiningur hestamanna og landeigenda:

Skvera þyrfti upp skiltum nokkuð víða.

Skrifa það á áberandi stað

hvar má ríða og hvar má ekki ríða.

Hvernig væri best að orða það?

Oft er satt logið

Margur er heimskari en hyggur.
Horfir á frægðarstól.
Satt oft í lautu liggur
þá lygin er komin á ról.

(sjó)Mennskan er ekkert grín

Skamman spöl frá landi lagði
léttabátur við móðurskipið.
Undir þiljum þar einhver sagði:
Aldrei of seint í rassinn klipið!

Nægt vatn

Sterkur í vissunni stundum ég nefni
staðreynd í ýmsu máli.
Langreyðar þurfa vart eldvarnarefni;
engin hætta á báli.

Eldvarnarefni mælast í hvölum

Svepparækt

Margt býr undir gerfigrasi.
Gæfu margir hreppa þó
einhverjir um þetta þrasi;
þarna leynast sveppagró.

Sveppagró í nýju íþróttahúsi og aðgerða þörf

Heildstætt mat

Heildstætt vel að gögnum gá,
gjarnan málið styður.
Það sem ekki þörf er á
þarf að leggja niður.

Lögin ná ekki yfir heildstæða skólaþjónustu

Já takk

Fyrir þann lýð sem líður skort
og lægsta unir kaupinu
gott væri að eiga gjafakort
og geta fengið í staupinu.

Furðar sig á gjafakortum ÁTVR

Vísa

Eru á mörgu ýmsir kantar,

eins og sjást mun hér:

Ef á bloggið vísu vantar,

virðist hún komin hér!