Agalega bagalegt

Í skyndi eru úr skýrslu hirtir
skástu fréttabitarnir,
sem nú verða síðan birtir,
segja beturvitarnir.

„Bagalegt“ að skýrslunni hafi verið lekið

Nafni breytt

Brátt um hús skal bálkur gerður.
Best mun hann að virkja.
Alltaf það samt er og verður
Akureyrarkirkja.

Breyta nafni Akureyrarkirkju

Saltver

Dísa til Serbíu er seld.
Saltver kaupir á Mars.
Sé einhver gullnáma geld
gott er að leita sér vars.

Saltver hefur fest kaup á Mars

Dísa

Dísa til Serbíu er seld.
Saltver kaupir á Mars.
Sé einhver gullnáma geld
gott er að leita sér vars.

Dísa er seld til Serbíu

Ísland-glæpasaga

Einhver gæti nú séð sér leik á borði og sameinað stjórnmál og bókaskrif:

Í glæpasögunni brjóta má blað

og benda á réttu slóðina;

rekja nú þráðinn um hver gerði hvað:

Hver tæmdi lífeyrissjóðina?

Sjálfstæðismenn munu ganga sameinaðir...

Sjálfstæðisflokkurinn sameinast þarna.
Sundrungin óðar mun dvína.
Einhver þá lánar aumingja Bjarna
aðra hækjuna sína.

Flokkurinn megi ekki verða einkaklúbbur útvalinna

Ljóð

Eftirfarandi samsetningur fékk mig til að halda að ég væri ekki aðeins hagyrðingur, heldur líka allt að því alvöruskáld!

 

Ég er fallega lagið sem flutt var í gær.

Ég er fóturinn undir stólnum.

Eg vera kann einnig hin vonglaða mær,

sem vindur sér brátt úr kjólnum.

 

Ég er bóndinn sem brosti í kampinn,

í búri þótt ætti fátt.

Ég er stúlkan sem prumpaði í stampinn.

Ég er stefna í rétta átt.

 

Ég er maður sem mátti

og mikið var veitt.

Ég er allt sem ég átti

ég er alls ekki neitt.

 

Ég er stúlkan sem prumpaði í stampinn.

Ég er stefna í rétta átt.

Ég er bóndinn sem brosti í kampinn,

í búri þótt ætti fátt.

 

Ég vera kann einnig hin vonglaða mær,

sem vindur sér brátt úr kjólnum.

Ég er fallega lagið sem flutt var í gær.

Ég er fóturinn undir stólnum.

 

Hugleiðing vísnagerðarmanns

Ég hafna ei góðum hugmyndum,

en hortittum síst vil dreifa.

Hvenær mun birtast auglýsing um

úthlutun skáldaleyfa?

Upplýsing

Oft er það sagt að gert sé gert.
Það gildir nú sjálfsagt enn.
En er það samt nokkuð athugavert
að upplýsa fréttamenn?

Isavia harmar framkomu við fjölmiðla í gær

Ljúfur er landinn

Nú skal snarlega landinu loka.

Lýðinn þá senda burt.

Burt með alla peysur og poka.

Um prúðmennsku ekki spurt.

„Hrikalegt að horfa á lögregluna meðhöndla hann“