VIGDÍS

Númerslausa nú má sjá
nefnda skýrslu liggja.
Einkanúmer ætti að fá
eftirá að hyggja.

Skýrsla Vigdísar án númers

Skýring?

Ei var í bóli bráður,
en beið þess að verða fjáður.
Fullkomin vörn!
Þá flest okkar börn
fæðast sjaldnar en áður.

Fæðingartíðnin í sögulegu lágmarki

Nei takk

Fólk á stjórnarfundi sat
að fjalla um hungurvarnir:
Borða ekki barnamat
borgarfulltrúarnir.

Skólamaturinn ekki í Ráðhúsið

Skýrslan er ekki skýrsla

Lygaþvæla leiðist mér.
Lítið um þó hirði
skýrslugerð sem ekki er
einnar krónu virði.

Ekki skýrsla í skilningi þingskapa

SDG

Hásæti B-listans heldur víst enn;

hollustu fagnar með sann

nú þegar forhertir framsóknarmenn

fylkja sér allir um hann.

„Þetta veitir manni kraft“

Blómaskreytingar

Um dæmafáar skýrslugerðir skal nú rætt;

skitið í og óskapast og í sig tætt.

Farið upp úr förunum

í fráleitustu svörunum.

Lengi getur Vigdís á sig blómum bætt.

Skýrslan ekki rannsóknarskýrsla

Hvaða læti eru þetta?

Þrifið skal ei þétt til kutans.

Þinginu ætti að hrósa,

fyrst minnihluti meirihlutans

mætti til að kjósa!

Sigmundur undrast æsinginn

Kynlegt

Toppsætum listanna tókst þeim að ná

með tilstuðlan björtustu vona.

Síðan hafa þeir áttað sig á

að enginn þeirra er kona.

Karlar í þremur efstu sætunum

Gerfigreind á Alþingi - taka tvö

Yfir því er löngum leynd
sem lögin hafa bannað.
Þingmenn nota gerfigreind
og geta ekki annað.

Mörg eru ráðin misjöfn reynd,
mjög þótt lítið gagnist.
Sagt er að á sýndargreind
sumir betur hagnist.

Gerfigreind á Alþingi.

Er hugsanlegt að einhverjir alþingismanna séu með gerfigreind?

Gervigreind á Alþingi