Sjálfsmynd

Ég lærði í lifsins skóla.
Löngum var eitthvað að dóla.
Trekk oní trekk
þá tilfinning fékk
að á mig væri ekkert að stóla.

Það væri sanngjarnt

Ort hef ég mikið og málað smá.
Miðað við litla eyðslu,
fyrir þá vinnu vil ég fá
veglega bónusgreiðslu.

Bónusgreiðslur Kaupþings samþykktar

Fljúgandi fær

Á þrautargöngu þá má sjá,
þumalputta sjúgandi,
sem hafa von um hagnað frá
Hollendingnum ljúgandi.

Fékk aldrei greiðslu frá Middeldorp

Það er nú það

Yrkja um Sigmund enn á ný;
ýmsir til þess stelast.
Vinsældir hans virðast í
því viðfangsefni felast.

Píratar boða ekki til kosninga

Formaður

Öllu stjórna er mér fært;
enginn rengi það.
Upp í málum enn skal hrært
alveg sama hvað!

„Ætlar að snúa atburðarásinni við“

Endurkoma

Framsóknarflokknum ég sál mína sel.
Sjálfur hef engu að leyna.
Fyrst að þeim trumpótta vegnar svo vel
verð ég líka að reyna!

Efi um haustkosningar

Að njóta náttúrunnar

Hérna er ljúfur lundur
að leggjast í - eða hvað?
Ég finn að það hefur hundur
hægt sér á versta stað!

Æ,æ.

Von er að falli ófleyg orð
og einhver fari að vola
þegar framið er mannorðsmorð
á meintum eineltisþola.

„Gert til að koma höggi á flokkinn“

Eigi skal menn í einelti leggja þótt frambjóðendur séu

Ég held ég geti sagt með sann
ég sé á þessu rófi;
að yrkja ei níð um náungann,
nema svona í hófi.

Mér leiðist sá lenski siður
sem líta má víða enn:
Sífellt að níða niður
næstum því heiðvirða menn.

Laust starf á Bessastöðum

Auðvitað væri það ágætt að fá,
frá almennu sjónarmiði,
einhvern sem verkalaun vill ekki sjá
en vinnur þar sjálfboðaliði.