Á erlendri grund

Upplýsingar oftast sel
ódýrar en keypti:
Sigga mínum mæltist vel,
mjöðinn síðan gleypti.

Sigurður Ingi reytti af sér brandarana

Viljum við vera svona?

Rengja skal flesta og gruna um græsku,
greina má spillingu hvarvetna helst.
Ei þarf að leita að gæðum og gæsku,
góðmennska varla til mannkosta telst.

Viljum við vera óþolandi og vondar fyrirmyndir?

Gamlir vendir...

Válegt er og varast skyldi
að veifa gömlu amboði.
Talist gæti mesta mildi
að margir séu í framboði.

Ólíklegt að Davíð taki fylgi af Guðna

Hagræði

Um það er nú vart að fletta mörgum Morgunblöðum
að Móri eflaust gjarnan vildi stöðu sína bætta.
Það auðveldaði honum leiðir upp að Bessastöðum
ef Óli gamli hætti við að hætta við að hætta.

 

 

„Í þessu embætti eru menn einir“

Að sjálfsögðu

Sagt var í fréttum að engar upplýsingar lægju fyrir um tilgang félagsins. Liggur það ekki ljóst fyrir? Auðvitað uppeldi sonarins!

 

Foreldrar Bjarna áttu aflandsfélag

Skýli

Gott er að eiga til þess tól
að taka á ýmsum krísum
og hafa öruggt skálkaskjól
í skattaparadísum.

Fjarstaddir umræður um aflandsfélagarannsókn

Í fjósinu

Frá því ég man fyrst eftir mér minnist ég þess að hafa af og til heyrt talað um að moka þyrfti framsóknarflórinn. Líklega er ekkert óeðlilegt við það; að minnsta kosti man ég ekki betur en þegar ég vann við að moka flórinn í fjósinu heima í gamla daga hafi þurft að gera það nokkrum sinnum á sólarhring hvern dag allan ársins hring.

Margir

Nú svara skal þjóðfélags þörfum
og þjóna fólki í lörfum.
Við úr hægindum hörfum
og höfum nú látið af störfum.

Kristján Örn lætur af störfum

Gullfiskar

Óþarfi virðist mér alla að gruna
þótt einhverjir hlaupi í var
og eigi svolítið meira en þeir muna
og minnast alls ekki hvar!

Minnisleysi og misskilningur

Hringiða fjármálamarkaða

Ekki er þetta illa meint.
Eflaust mætti sekta
þá sem ekki geta greint
gerfifé frá ekta.

Ekki um markaðsmisnotkun að ræða