Fjárlagafrumvarp

Þetta finnst Benedikt vel af sér vikið
og verðskulda aðdáun manna
því tuttugu þúsund sé töluvert mikið
í tilviki fátæklinganna.

Samansafn

Ég hef lítið birt hér upp á síðkastið. Það stafar að hluta til af því að ég hef af einhverjum ástæðum ekki getað tengt við þær fréttir á mbl.is sem verður kveikja að kveðskapnum. En á facebooksíðu minni safnast þetta fyrir og mér datt í hug að birta hér nokkuð samansafn gert af ýmsu tilefni og einnig af tilefnislausu.

Vísurnar safnast í háa hauga,
handraðaskúffan full.
Oft er maður eitthvað að spauga,
annað er hálfgert bull.

 

Ríkissjóð þeir ráðskast með.
Reyta af okkur spariféð.
Fá meira fyrir minnna streð
frá mínum bæjardyrum séð.

 

Dálitla sögu um Kiddu ég kann.
Í Kópavogi hún býr.
Langar að fá sér fótboltamann,
en finnst hann vera of dýr.

 

Í pylsuendann prófa má
að pota einni rúsínu,.
En hverjir bera ábyrgð á
Orkuveituhúsinu?

 

Enn er komið allt á brun;
illan hef ég grun,
og kvíði þvi að kannski mun
koma annað hrun.

 

Áslaug streymir endalaust,
á sér fátt til varna;
fram úr sér hún fór í haust,
fallin vonarstjarna.
(Óhemjan sú Arna)

 

Að reyna sig við rím er sport,
en reikna má með krísu.
Gaman væri að geta ort
gáfulega vísu!

 

Áðan ég lét sem mín ljóð væru tað
og líkti mér sjálfum við rata,
en ætti nú kannski að árétta það
að auðvitað var ég að plata!

 

Ég neita því ekki að stundum yrki ég stöku.
Stenst ekki mátið að lauma nokkrum hér inn.
En nú hef ég til þess að valda nú engum vöku
valið að kveða ekkert í þetta sinn.

 

Raunar má segja að það reyni nú á
hvort ríki efnahagsbatinn.
Ferilinn allann mun fróðlegt að sjá.
Ég fer nú að prenta matinn.

 

Ef ég mundi yrkja ljóð
en ekki bara stökur,
öll þau mundu eflaust góð;
enginn sæist hnökur!

 

Auraráðin eins og dóp
orðið geta að meini.
Þjóðin líkist hundahóp
sem hleypur á eftir beini.

 

Ameríkufréttir:

Þessir trúa á þannig snuð,
og það með fullri vissu:
Dugi ekki góður guð
er gott að eiga byssu!

 

Aðrir þrífa enn á ný
eftir þá skítina,
sem fjármununum ausa í
andskotans hítina!

 

Ójá

Mikið þætti mörgum leitt,
þótt mér sé engin kvöð,
ef yrkja mundi ég ekki neitt
annan daginn í röð!

Vonandi ekki

Mér finnst gaman að búa til brag;

það bætir geð, kemur skapi í lag.

En ætli ég þurfi að óttast minn hag

fyrst enga vísu ég gert hef í dag?

Stofnanir

Hætta er kannski á klofnun,
en klárlega þörf á siðbót.
Því nýja má stofna stofnun
sem stofnar aðra í viðbót.

Sameinaða samjafnaðar samkundan

Ástæðunni enginn hafni;
augljóst virst það getur
að Samfylking með nýju nafni
næði að dyljast betur.

Hugmyndir um nýtt nafn ekki nýjar

Björgun á Gunnunesi

Ég rakst á alveg upplagðan bókartitil, en þar sem ég er nú ekkert að fara að gefa út bók á næstunni, datt mér í hug að reyna að hnoða framan við hann þrjár hendingar:

 

Aukna hættu enginn metur

enda þótt fréttir lesi;

bráðum kannski birst oss getur

Björgun á Gunnunesi.

 

Þarna finnst mér raunar komið upplagt orðtak yfir það þegar einhver er firrtur vandræðum.

Ilmurinn er indæll...

Ilmurinn er engu líkur,
á í margra vitum sess.
Nú er horft til Helguvíkur,
helsta prýðis Reykjaness.

„Verið notað sem tilraunadýr í 9 mánuði“

Skúffufé

Langmest af ráðherrafénu það fer
í flest það sem helst þarf að laga;
stærsta og brýnasta starf þeirra er
að styrkja hinsegin daga.

Svona ráðstafa ráðherrar skúffufé sínu

Siggi frá Sjálfhóli

Að Sjálfhóli Sigurður fæddist.
Sárafá óáran hræddist.
Hans gresja var grýtt,
svo græddi hann lítt,
en alltaf í mörgu þó mæddist.