Var einhver að tala um sjálfshól?

Fyrirvara fráleitt set
fregnunum þessum sönnum,
og það staðfest alveg get
að ég er með betri mönnum!

Botn

Þótt að því mig enginn spyrði
hvort yrkja ég vísu þyrði,
verkið vannst
og við það fannst
botninn í Borgarfirði.

Þjónusturof

Úrvinnslu mála var erfitt að sjá.
Í atburðarásinni miðri,
þá birtist tilkynning þessi á skjá:
Þjónusta liggur niðri.

Naflaskoðun

Ég er að spá og spegúlera.
Spurning er um að vanda sig.
Þótt náttúrulega sé nóg að gera
er nauðsynlegt þó að standa sig.

Þar liggur hundurinn grafinn

Þótt gömul séu Hinriks hey,
hann er enginn sauður;
glöggt það sér hann getur ei
gagnast kerlu dauður.

Draumur

Ég er svo aldeilis hlessa.
Ótrúlegt - nú er heima!
Þegar ég orti þessa
þá var mig víst að dreyma.

Framsóknarraunir

Illt er með Framsóknarflokkinn:
Fúll uppá nef sér er stokkinn.
Sérhver það sér
að Sveinbjörg hún er
aldeilis ofansokkin!

Frægðarraunir

Örn var alltaf sísyngjandi;

aðdáendur því hringjandi.

Að fagna var tamt,

en fannst þetta samt

frekar svona íþyngjandi.

Frídagur verslunarmanna

Ég uni mér allvel glaður.

Að ellilaununum bý,

en væri ég verslunarmaður

vildi ég eiga frí.

Umhverfið (Alþingi) er auðlind

Umhverfisbjört er engin tík.
Óþarfi að láta svona,
þótt klæði hún sig í fagra flík
og flögri um eins og kona!

Hélt að Björt hefði beðið um leyfi