Afsakið

Ef ég á það minnast má,
máli þessu hreyfi;
ef hann vildi - átti hann þá
ekki að spyrja um leyfi?

„Algjört fyrsta skref“

Úr pokahorninu

Árangurinn sérhver sér.
Þótt sumir hafi mikið reynt; 
Gamalt mjöl sem óhreint er
erfitt mun að gera hreint.

Forsætisráðherra (ennþá)

Það sem fyrrum gat hann gjört

gildir ekki lengur.

Framtíðin er býsna björt

því Bjarni er góður drengur.

Afar óheppileg tímasetning lögbanns

Stanz - aðalbraut - stop

Einhverjir, orðið heitt í hamsi,
hnykluðu reiðir vöðva:
Þeir eiga að hætta þessu gramsi,
þetta verður að stöðva!

Múlbindur Reykjavík Media og Stundina

Allt að verða vitlaust

Ekki er nú stjórnmálaástandið gott.
Einhverjum fer víst að blöskra.
Sem leiðtogi í viðreisn fer Bensi á brott
og Bjarni er farinn að öskra!

Þorgerður Katrín nýr formaður

Bless

Burtu er Benedikt farinn,
blár en þó ekki marinn.
Skyldi þá ekki skarinn
skunda á Viðreisnarbarinn?

Biðst afsökunar á „klaufalegum ummælum“

Kakan

Kostulegu kremi makar,
kann á því nokkur skil.
Sína köku sérhver bakar
sem hann er langur til.

Greyið sem reynir að grípa til varna
grætur sinn fyrri mátt.
Það má víst segja að barátta Bjarna
birtist á ýmsan hátt.

Pólitík

Grípum til gamla hólksins,
gerum mótherjum skil.
Þakka má Flokki fólksins
fyrir að vera til.

Hvítur hestur

Stendur upp flokkur með stefnuna ljósa;
við stöðugleikann hún tónar.
En getur það verið að gott sé að kjósa
gamla bikkju sem prjónar?

Kosningaspá

Aðalstólnum er að glata,
atkvæðin að missa
og í stólinn kemur Kata;
kannski fáir hissa.