...úti að slá á engi

Það sést varla eins og er
hvort engið sé heyjanlegt.
Hvað Sjálfstæðisflokkurinn sér
er svolítið teygjanlegt.

Sjálfstæðisflokkur sér tvo vænlega kosti

En enginn við alla

Allir tala við alla.
Ástandið lítið breytt.
En hvað Bjarni er að bralla
Brynjar veit ekki neitt.

„Það er enginn að tala við okkur“

Stjórnmálaskýring

Eftir ríkissjórn enn mun bið.
Allvíða birtast lokuð hlið.
Með sjálfstæðisflokkinn sér við hlið
samfylking hlyti andlátið.

Allir eru að tala við alla

Vonbrigði

Liðið var í taumi tregt.
Til þá sumir runnu.
Þetta var nú leiðinlegt,
Loga fannst - og Sunnu.

Hissa á útspili Framsóknarflokksins

Meirihluti/valtari

Ekki um of skal færst í fang.
Frekar að því hyggja;
öruggari yfirgang
ættum við að tryggja.

„Boltinn er hjá formanni VG“

Snurða

Einingu alveg nægri
ekki tókst þeim að ná.
Sigurður hugsar til hægri;
hann er með augun blá.

Stjórnarmyndunarviðræðum slitið

Kötukvæði

Margur hér við miklu bjóst.
Mun þó orðið nokkuð ljóst
að allir þurfa að færa fórn
sem fara vilja í ríkisstjórn.

Ekki farin að útkljá einstaka þætti

Í sveitinni

Að Syðra-Langholti er setið og rætt
saman um helsta málið;
um hvernig helst muni ástandið bætt
svo unnt verði að súpa kálið!

Málefnunum skipt í tvennt

Fyrir um og eftir kosningar

Ekki í fyrsta sinn sem rímið gerist nokkuð ráðríkt.
Mér datt bara alveg óvart í hug að Arna rímar við Bjarna.
Var þá ekki að sökum að spyrja:

Fögur er Áslaug Arna.
Allt það sem ber á góma
rímar sem best við Bjarna;
bæði þau fagurt ljóma.
Rulluna þylja þarna
með þverpoka sína tóma.

Báru sér við hægri hlið
hefðarmerki tigið,
þar í bundu vitið við
svo væri ekki í það stigið.

Nú má fara í flöskustút.
Flestir við sig bæta,
nema þeir sem þurrkast út
og þurfa ekki að mæta.

Sumir vinna. Sumir tapa.
Sumra gengi er að hrapa.
Einhverjir af undrun gapa.
Aðrir huggun reyna að snapa.

Birtir yfir landsins lýð
að loknu mesta atinu.
Bráðum kemur betri tíð
með blóm í hnappagatinu.

Hér þeir eflaust hefja spil
sem hafa réttan kóða;
brátt mun Guðni bjóða til
boltaleiksins góða.

Stundum eitthvað styttast bilin.
Stundum fer þó allt í lás.
Nú er þörf að spá í spilin;
Spurning hver á hvaða bás.

 

 

Söngur dýralæknisins í Hálsaskógi

Bændur horfa til beggja átta,
byr mun ráða för,
langar þá að leita sátta
með loforðum á vör.
Með íhaldið á aðra hönd,
og alþýðu á hina
er freistandi að binda bönd
og brúa á milli vina.

Sigurður vill líka fá umboðið