Útsala

Margt er af fémæti fölu,
sem fæst á ágætum prís.
United Sili til sölu.
Sjálfsagt er gróðinn vís.

Alþjóðafyrirtæki skoða United Silicon

Velþóknun á vísnagerðamönnum

Nú skal ég veita þeim hagmæltu hrós,
sem hugkvæmni oftlega sýna.
Mörgum finnst gaman að láta sitt ljós
leiftrandi fagurt skína!

Það er síminn

Hér skal nú um aðra Ellu
yrkja - nema hvað!
Tilkynnt var um stuld á Stellu.
Stakan er um það.

Síminn kærir stuld á Stellu

Stóra fólkið og stubburnar þrjár

Ég til að byrja með hrifningu hem,
þótt hafi ég ekki misst trúna
á stóra fólkinu og stubbunum þrem
sem stjórna landinu núna.

Stóra fólkið og stubburnar þrjár

Ég til að byrja með hrifningu hem,
þótt hafi ég ekki misst trúna
á stóra fólkinu og stubbunum þrem
sem stjórna landinu núna.

Mikill stuðningur við ríkisstjórnina

Grátt gaman

Svo þessir háu herrar
hlæja er kona þerrar
af sér mjög sár
einstaka tár.
Allt eru þetta perrar.

„Öskureið að rifja þetta upp“

Ný stjórn

Muna eitt þú maður skalt,
þótt mjög við loforð glingrum,
framkvæmt getum ekki allt
eins og að smella fingrum.

Ætla að efla stöðu brotaþola í kerfinu

Flokksráð VG á leik

"Ég er bjartsýn og brött!"
Býst við hverju sem er.
Aksjón ellegar kött;
óljóst hvernig það fer.

„Ég er bjartsýn og brött“

Guð blessi

Ef eitthvað gerist í málunum meir
svo myndist í hagkerfi bruni,
við segjum í huganum guð blessi Geir 
og gínum við næsta hruni.

Ríkið sýknað í landsdómsmáli

Skrafað um skrefið

Kata er ekki skyni skroppin.
Skrefið djarft var er hún tók.
Ef að stjórnin kemst á koppinn,
kannski verður barn í brók!

„Þetta hefur gengið ágætlega“