Heim að sofa?

Sportbíll eflaust för mun fegra.
Finnst mér þó að sinni
að húsbíl væri heppilegra
að hafa í geimferðinni.

Sportbíll Musks stefnir á Mars

Bíltúr

Við öllu hinu besta býst
ef bíll fer út í geim,
þótt ekki sé það alveg víst
hann aftur komi heim.

Teslu skotið út í geim (í beinni)

Stjórnmálaskýring

Forsætisráðherra aumur sér á
Andersen liggjandi í fletinu;
líkar það betur en leys´ana frá
að lof ´enni að sprikla í netinu.

Sigríður vildi birta gögnin

Sérfræði

Upp á sína fimmtán fingur
fullkomlega hvað hún syngur
veit nú Sigga sérfræðingur.
Samt að henni þrengist hringur.

„Ég tek auðvitað ábyrgðina“

Matskennt

Allnokkrir dómsmálaráðherra róma,
þótt reka vilji hann einhverjir heim.
Í kerfinu er mikið um matskennda dóma
en minna að ábyrgð sé tekin á þeim.

Þurfti ekki að fara að ráðum sérfræðinga

Með bestu afmælisóskum

Almenningur hefur verið að velta fyrir sér hvort afmælisbarnið muni ekki halda veislu.

Bjóða mun uppá berjasaft
sem bætir og hressir sálina.
Til gagns við það hann gæti haft
gömlu Bermudaskálina!

Ekkert að hugsa um að hætta

Tóm tjara

Skáldið mætti finna í fjöru
færi það með spott.
Að aka um í tómri tjöru
telst nú varla gott.

Ástand vega á Austurlandi ógnar öryggi

Veðrið

Ennþá hefur ekki lægt.
Er hér snjór í foki.
Auðvitað er aldrei hægt
að yrkja í svona roki.

Hellisheiði og Þrengslum lokað vegna veðurs

Eftirsjá

Mér er illt í maganum
mælti karl á Skaganum
eftirsjá að sílóum,
sem mun nema kílóum.

Sílóin fallin til jarðar

Höpp og glöpp

Stundum eru háðar kraftakeppnir,
sem könnun þess hvort einn sé öðrum meiri.
Þótt margir séu í happdrættinu heppnir,
hinir eru þó samt nokkuð fleiri.

Sex fengu eina milljón