Til Moskvu

Ástandið er nú bara
orðið dálítið tens;
Guðni fær ekki að fara
en frúnni er gefinn séns.

Eliza á leik Íslands og Argentínu

Strákarnir

Ég fregnaði að strákarnir okkar hefðu haft með sér til Rússlands nokkur sokkapör.

Flátt mun leikið. Fátt um bjargir
fullum heiðri okkar,
nema ef væru nógu margir
nýjir sokkar.

Limra um Tona

Móðir hans var að vona
að vænkaðist hagur Tona.
Hann ásældist Rún,
enda var hún
yfirgripsmikil kona.

Kjararáðs saknað

Þeir sem fengu fulla ausu
fjár af spena detta
og þá gjörsamlega í lausu
lofti eftir þetta.

Kjararáð lagt niður

Með sínu lagi

Af jarðneskum auðæfum átt þú gnótt,
þótt öll séu þau ekki heima.
En því,að lífið sé léttasótt,
þú löngu ert búinn að gleyma.

„Við erum að fara fram á leiðréttingu“

PISA

Framkvæmd PISA frekar gróf.
Fjarri bættur skaðinn.
Þau sem áttu að þreyta próf
þreyta próf í staðinn.

(Prófin þreyta krakkana sem áttu að þreyta þau)

Menntamálastofnun fær „falleinkunn“

Ekki er ráð nema á kjörum sé tekið

Kvarta mátti kjararáð,
kunni skil á raunum.
Bjarna þótti bara ráð
að bæta við það launum.

Hækkaði laun kjararáðs um 7,3%

Vantraust

Andstaða stjórnar mun örlítið bitur
enda næstum því vitur,
en ráðherra dómsmála situr og situr
og situr og situr og situr.

Vantrauststillagan gegn ráðherra felld

Tilkynning frá forsætisráðherra

Daman sem dómsmálajöfur,

dúndrandi röggsöm og kná,

stenst mínar ströngustu kröfur.

Ég stugga henni ekki frá.

Leggja fram vantrauststillögu

Umframfé

Akkúrat þessi þanki
þrýstir á huga minn:
Ó, væri ég bara banki,
bættist mér hagurinn.

Greiðir tugi milljarða til hluthafa