Veðrið

Vetur sumar vor og haust
versnar hér tíðin.
Tæpast sól úr böndum braust.
Brátt kemur hríðin.

Ekkert ferðaveður

Tíðin

Er hér kuldi endalaust;
ástæðurnar leyndar.
Virðist komið hrímkalt haust,
heldur snemma reyndar.

„Fullhaustlegt“ veður á landinu

Ljósmæður

Þessi var gerð fyrir sléttum þrem árum. Þá var titillinn Bjarni og hjúkrunarfræðingarnir. Nú eru það ljósmæðurnar.

 

Bjarni og ljósmæðurnar.

 

Beinist flest til betri vegar.

Bjarni snýst til varnar;

hækkar launin þeirra þegar

þær eru allar farnar.

Nóg að gera hjá Guðna

Karl hinna litríku leista
líkar við alls kyns hark.
Fundar með forseta Eista,
en finnst þetta afleitt mark.

Forsetahjónin svekkt með vítið

2:0

Ævinlega eftirtekt
okkar taktar skapa,
þótt alltaf sé það leiðinlegt
leikjunum að tapa.

Held að taktíkin hafi ekki verið röng

Æ

Eiginlega er ekkert í fréttum
annað en bolti:
Í Rússíá á rassinn dettum
rúnir stolti.

Leiðinlegt þegar svona fer

ASÍ

Eftir tíu ár í starfi
er víst komið gott.
Verkalýðsins þjónninn þarfi
þá mun hverfa á brott.

Hreyfingunni fyrir bestu segir Gylfi

Ljósmæður

Sumir fljóta sofandi
að sínum feigðarósum;
verkfall yfirvofandi
virðist nú hjá ljósum.

Verkfall yfirvofandi hjá ljósmæðrum

Leiguraunir

Hvort eitthvað sé hér unnt að gera
er ekki gott að segja.
Sumum mönnum virðist vera
varasamt að leigja.

Stolið frá leigusala en fær enga aðstoð

Ber er hver...

Segja má að sumt sé gott
sem menn gera hér;
eiginlega er það flott
eins og vera ber.

Hjóla nakin um götur Brussel