Á Þingvöllum

Að votta virðingu og hlýju
vorri ágætu þjóð
drógu þeir danska Píu
með dökka fortíðarslóð.

Dónaskapur að virða ekki embættið

Sjálfa

Þessi er hugsanlega aðeins of snemma á ferðinni:

Hrumur orðinn, hæruskotinn,
heyrn og sjón má laga,
hálfruglaður, heilabrotinn,
hundfúll alla daga.

- en gott að eiga hana til þegar ég verð ekki lengur fær um að yrkja!

Á skal að ósi stemma

Þegar sumarblíðan brást
var boðið upp á næðinga.
Raunalegt. En skyldi ei skást
að skipta um veðurfræðinga?

Mun loks fara að sjást til sólar

Afsakið orðbragðið

Ekki skal ég neitt á nafn

nefna af mínum högum.

En hvílíkt andskotans samansafn

af svona rigningardögum!

Sólin lætur sjá sig á þriðjudag

Jamm og jæja

Þótt norðanmenn að sínum sið
sólu mjög af láti,
augljóslega erum við
ekki á sama báti.

Ójá

Lund er orðin leið og við
lítt í skapi hýrnum;
eftir vori vonlaus bið
og veðrið fast í gírnum!

Sólarleysið það óvenjulegasta

Frá almættinu

Sanngjarna nokkuð ég sendingu tel.
Svosem ekkert að þakka.
Með ósk um að framtíðin fari nú vel
ég færi ykkur eld á Bakka.

Fjórum sinnum verið slökkt á ofninum

Vætutíðin mikla

Rigningar eru nú í

allflestum krummaskuðanna:

þeir eru farnir í frí,

flestallir veðurguðanna.

Of kalt fyrir ánamaðkana

Veður hvað?

Horft er lítt til blómabeðs.
Blítt er heima hvað.
Veðri skal ei gert til geðs
að gera vísu um það.

Flúið til sólarlanda á rigningarsumri

Sól?

Góða veðrið gleður mig,
geri ég um það braginn.
Hér er gott að sóla sig
sumarlangan daginn

          - eða þannig!