Kapphlaupið um Bessastaði

Hvort heldur ræðir um snilld eða snobb
er snúið að meta í þeirra röðum
sem vongóðir stefna í hið vinsæla djobb
er von bráðar losnar á Bessastöðum.

Katrín segir framboð ekki á dagskrá

Rætur - Stóra sviðið

Ég kann ekki allskostar við þessa stefnu sem virðist ráðandi í sjónvarpsþáttagerð um þessar mundir: Örstuttar klippur þar sem hvert efni er klippt í marga búta og raðað saman á víxl. En þetta er víst nútíminn.
Ég kann betur við gamaldags þætti eins og t.d. Landann, þar sem hvert atriði er haft í heilu lagi.
Ætli þetta hafi eitthvað með aldur minn að gera?

 

 

 

Ávarp Fjármálaráðherra

Minnihlutinn þekkir það;
þessar fáu hræður
mættu gjarnan muna að
meirihlutinn ræður!

Gæfurík þjóð í góðu landi

Fjölnotavísa

Augnablikið karla kætti
er konur höfðu giljað
ef til vill með öðrum hætti
en þær hefðu viljað.

Ath.: Þetta er fjölnotavísa. Það má víxla körlum og konum og breyta þær í þeir eftir hendinni. Þannig má finna að minnsta kosti fjórar útgáfur hennar.

Þriðja tilraun til að gera almennilega jólavísu

Svo mætti nefna að nú eru jólin
og nokkuð liðið á vetur.
Um þetta leitið sé ég að sólin
sést alltaf betur og betur.

Hátíð

Margir okkar þekkja það
þessa jóladaga;
hátíðleikinn læðist að
og lendir oní maga.

Rímið ræður

Mér er það fullkomlega ljóst að þetta er ekki sérstaklega jólalegur kveðskapur, en ekki gat ég neitt að því gert að mér datt þetta í hug einmitt núna:

Ýmsa þjaka lífsins lægðir,
ljóst er það.
Rímsins vegna hef ég hægðir
í hæða stað.

Jólakveðja

Gleðileg friðarjól

Allir nú finni sér friðinn,
falið skal ölið og spírinn.
Strjúkið á hvert öðru kviðinn,
komist í jólagírinn!

Friðargangan í Reykjavík: Myndir

Þjóðráð

Milli þings og þjóðar rofna
þræðir. Braut er hál.
Því mun að því stefnt að stofna
starfshóp um langflest mál.