Flug

Ég flaug til Færeyja í fyrri viku ásamt dansfélaginu Vefaranum.
Að okkur lentum á Vogaflugvelli eftir stutt og snaggaralegt flug
orti ég:

Vefararnir ungu og öldnu
ósköp hljóta fegnir því
að vera lentir heilu og höldnu
hérna Færeyjunum í.

Athugasemdir

[Hólmdís Hjartardóttir, 17.7.2008 kl. 00:52]

mig langar að koma til Færeyja

[Hallmundur Kristinsson, 17.7.2008 kl. 01:27]

Já, Hólmdís, þangað er gaman að koma. Virkilega. 

[Óskar Arnórsson, 25.7.2008 kl. 19:50]

Púla, puða og daðra

ferðast, fljúga og flaðra

í þotum, koptrum og rellum,

bátum, skipum, að sjálfsögðu með brellum..

Fyrsta ljóðið, vísan eða kvað þetta er kallað!.

Annars hef ég aldrei heyrt færeying fara með vísu eða kvæði..

þrátt fyrir að hafa verið innannum gott fólk í 6 mánuði  í Torshöfn í Færeyjum..

[Hallmundur Kristinsson, 26.7.2008 kl. 12:49]

En þeir sungu svo sannarlega langhundana, danskvæðin sín á þjóðdansamótinu!

[Óskar Arnórsson, 26.7.2008 kl. 14:02]

, Já að vísu, enn ég skildi ekki þetta aldrei. Sama með þessa Íslensku bændur sem "réru fram í ráðið" (vona að ég muni þetta rétt, og nudduðu gjarna lappirnar á sér á meðana, rugguðu fram og aftur og svo kom svona spangólið: "Nú er úti veeeeðr vooont!...og svo hljóp ég alltaf út í fjós...

[Hallmundur Kristinsson, 27.7.2008 kl. 11:50]

..fram í gráðið...

Mér hefur nú heldur aldrei þótt sérlega skemmtilegt þegar kveðnar eru rímur,finnst betra að þær séu lesnar með tilþrifum eða þá sungnar.

[Óskar Arnórsson, 27.7.2008 kl. 12:43]

jæja, gráðið þá....þetta var á Vestfjörðum, Austur Barðastrandasýslu og eyjum í Breiðafirði. Þetta er jú til skammar fyrir land og þjóð allt sman enda held ég að ég hafi aldrei minnst á þetta við neinn nema hérna.

Var "pyntaður" til að læra svo helvítis rugl sem smákrakki og get aldrei gleymt neinu af þessu. Kann reyndar fjöldan allan af svona vísnarugli og dauðskammast mín fyrir það...

[Hallmundur Kristinsson, 27.7.2008 kl. 12:50]

Hefur fram í hugann streymt
haugur af vísnaþrugli.
Illt er að geta ekki gleymt
öllu þessu rugli!