Ástarkvika

 Ekki veit ég nú gjörla hvernig síminn hugsar, en hitt þykir mér ólíklegt að tilviljun ráði tímavali
á viðgerðinni......

Eftir því sem ástin vex
og því fleiru að sinna
þörfin fyrir símasex
sjálfsagt verður minna.

Bolungarvík sambandslaus - lögregla með vakt

Athugasemdir

[Ylfa Mist Helgadóttir, 13.8.2007 kl. 23:25]

Ha ha ha ha ha!!!

En við Bolvíkingar vonum bara að allir sofi rótt og enginn fái hjartaverk eða önnur sjúkdómseinkenni þessar tvær stundir! Getur orðið meiri háttar mál, þar sem hér er tildæmis sjúkrahús og ófrískt kvenfólk, hjartveikir einstaklingar, sem annarsstaðar á landinu og svo geta alltaf orðið slys. Ábyrgðarlaust af símanum verð ég að segja.

[Hallgrímur Óli Helgason, 14.8.2007 kl. 00:16]

já blessaður frændi, ég var búin að átta mig á því að við vorum skyldir, ég er búin að vera að skrá hjá mér ættir mínar frá forfeðrum mínum sem fæddir um 1800 og er ég með um áttatíuþúsund nöfn í espóín forriti, ég er t.d. með rúmlega ellefuhundruð niðja Björns Guðmundssonar langafa þíns, og skráða niðja Dýrleifar langömmu minnar eru rúmlega þúsund, og fjöldi niðja Guðmundar Jóhannessonar langafa okkar sem ég er með skráða er tæplega þrjúþúsund.

[Sir Magister Cat (IP-tala skráð) 15.8.2007 kl. 08:20]

Það eru margar sniðugar vísurnar hjá þér...en ég var að velta því fyrir mér með ofangreinda vísu hvort hún sé íslenskulega rétt?..þ.as. seinni parturinn..á ekki að segja að þörfin fyrir eitthvað sé minni?...en kannski er þetta bara meðvitað skáldaleyfi hjá þér ? -Eða bara vitleysis athugasemd hjá mér...

[Hallmundur Kristinsson, 15.8.2007 kl. 12:23]

Þetta er hárrétt athugað hjá þér, Sir Magister. Ætli maður verði ekki bara að kalla þetta skáldaleyfi til bráðabirgða á meðan ég er að sjá hvernig ég á að bjarga mér út úr þessu!