Klakahröngl

Ég óska öllum góðs árs. Ég hef verið heldur skeytingarlaus um

bloggið undanfarið. Hér er sýnishorn af vísnarusli sem hefur

safnast upp hjá mér frá áramótum. Sumt gert af ákveðnu

tilefni,annað af tilefnislausu.

Öllum hér með óska vil

árs og friðar.

Berist ykkur blessun til

baks og kviðar.

 

***

Í miðju frá morgunsári

munstrast hádegisbil.

Nú er annar í ári

að því mér reiknast til.

 

***

 

Vart er honum vit til baga.

Víða er lítil beit.

Fljótlegt væri fram að draga

það fáa sem hann veit.

 

***

Upp er runnin Trumpsins tíð:

 

"Traustum studdur hernum býð

 

Ameríku upp á stríð,

 

enda stutt að fara.

 

***

 

Gaurar vopnum væddir.

 

Virtust raunamæddir

aðrir tveir.

Urðu þeir

afskaplega hræddir.

 

***

Oft er vísan undurfríð

ef hún rímar.

Bráðum kemur bólutíð

og betri tímar.

 

Líkt öðrum hér birtir blaður.

Bölmóðs kennir

óvirkur athafnamaður

sem engu nennir.

 

Gera litla vísu vil

um vora líðan.

Best er hana að búa til

og birta síðan.

 

Vanalega vel ég sef.

Vanda sérhvern brag.

Og nú bráðum ort ég hef

alveg nóg í dag!

 

Óáran

Kollvarpa heiminum kórónuherir.
Komin er riða í fé.
Aldrei að vita hvað almættið gerir.
Er ekki að koma hlé?

Á sjó

Veiran er fær í flestan.

Faraldur á sér stað.

Það var eitt skip fyrir vestan

sem vissi ekki neitt um það.

Valdarán

Stefna mörkuð stjórnar án.
Stiginn dans í Hruna.
Veiran framdi valdarán.
Við það má nú una.

Ríkisstjórnin í tvöfalda skimun og smitgát

Deilan leyst - í bili að minnsta kosti

Nú ekki neinu töpum.
Niðurstaðan er fín.
Það sem hér skipti sköpum
var skelegga vísan mín.

„Mjög mikilvægt“ fyrir félagið

Reknar

Þeir um síðir mikils meta
mega kúkableyjurnar,
sem með köldu geði geta
gefið skít í freyjurnar.

Vinir hafi bolað henni úr starfi

"Háir gerast nú hestar várir!"

Nú þarf að slá undir nára.
Nú þarf að ræða við Kára.
Beisla þarf brátt
í bullandi sátt
hækkandi hesta vára.

„Það er bara komið nóg“

Þannig er það

Alþingis æðsta strump
og ábyrgt ráðherrastóð
þreytir oft plottsins prump
og píratans spurningaflóð.

Jón Þór kjörinn formaður stjórnskipunarnefndar

Heillaráð í þágu alþingis

Margra þá gleddist víst geð
og gagnlegt væri má segja:
Bjóða skal Miðflokknum með
ef málið er helst að þegja!

Vill þögn í heiminum

Vél

Vont er að véla með stöður.
Vinstrið er ekki gott.
Nafnið "Leikið með löður"
er líklegt á svona plott.

Yfirlýsingin „hefur nákvæmlega ekkert vægi“