Ekki slæmt

Aftur mætt hún er á RUV,
eins og við nú heyrum.
Gunna Dís er létt og ljúf
og lætur vel í eyrum.

Guðrún Dís hefur störf á Rúv

Hagfræði

Réttlætis gangur í raun og veru
er rölt eitt og lötur,
en leiðir fjármagnsins oftast eru
einstefnugötur.

Ákall Reykvíkinga

Svo lendum ekki í leikjabann,
(ljóst við af oss brutum)
vantar okkur varnarmann
að verjast ýmsum hlutum.

Björgvin í framboð til borgarstjóra?

Fullkomin fréttamennska

Á fumlausan hátt eru fréttirnar sagðar.
Fullkomið hlutleysi ríkir að sjálfsögðu.
Með varúð og gát eru línurnar lagðar,
þótt líka sé örlítið minnst á þær hálfsögðu.

Norðvestur

Í minni er enn hversu málið var heitt.
Magnað hve allt virtist bilað.
Skýrslur þar týndust og öðrum var eytt.
Atkvæðum var jafnvel skilað!

 

Samræming flokkunar

Hugsuðu um eigin heimalönd
á höfuðborgarsvæðinu.
En gott að nú skal hafa hönd
á heildarruslaflæðinu.

Samræmd ruslaflokkun á öllu höfuðborgarsvæðinu

Tvær limrur

Út yfir haf og hauður

hugann lét reika Auður.

Til frelsis hún fann

er fann hún sinn mann.

Hann lá þarna löngu dauður.

 

Þótt svolítið syrgði Auður,

samt ekki rak í nauður.

Kistan var kvödd

með kulda í rödd:

Þú varst nú svoddan sauður.

Framboð og eftirspurn

Yfirgefa Ási þarf
allan vandræðabaksturinn,
svo megi fá sér meira starf
og minnka helvítis aksturinn.

Gaf mínu fólki loforð um framboð

Að fara í hundana

Þær reyndu af kostgæfni að stunda sitt starf.
stundum var árangur fenginn.
Gekk bara vel þar til hvolpurinn hvarf.
Hvers vegna veit víst enginn.

Létu hund hverfa til að hylma yfir brot

Maðkur í mysunni

Ljóta af sér leiðir kvöl

í leit að gyllta korninu

ef menn finna úldið mjöl

í einu pokahorninu.