E-listinn

Á honum þeir illa héldu skil

og höfðu næstum því misst´ann.

Var Birgitta fölsuð og búin til

svo bæta auðnaðist listann?

Meta ekki fullyrðingu um fölsun

Rétt að skreppa

Með D-ið fyrir framan
fallega brosir daman.
Það gæti verið gaman
að geta skroppið saman ...

Sjálfstæðisflokkurinn í borginni skreppur saman

Þegar seldur var banki

Í söluferli hefur hrikt,

hroða er að minnast.

Skrýtið er að skítalykt

skuli ennþá finnast!

BBb

Einhverjir hafa um auðinn spurt,

illa fenginn.

Sumir vilja Bjarna burt,

blessaðan drenginn.

Fimmtu mótmælin vegna bankasölunnar

Hinar dreyfðu byggðir

Ásahreppur

Dalabyggð

Kaldrananeshreppur

Hvalfjarðarsveit

Fljótsdalshreppur

*Grýlubakkahreppur*

Skagabyggð

Tálknafjarðarhreppur

Súðavíkurhreppur

Árneshreppur

Eyja- og Miklaholtshreppur

Skorradalshreppur     (Birtist á ruv.is.)

Útvarp fær nú okkar hrós;

ekkert skal því hamla.

Nú er komið loks í ljós

hvar leynist helst sú gamla!

Flugvöllinn burt/kjurrt

Þótt tónn sé ekki í takt við sátt,
tökum lagið - javel.
Saman elda silfur grátt
Sigurður og Pawel.

Harður tónn ráðherra ekki í takt við sátt

Náttúran vaknar

Nú eru margir sem náttúru hlýða.

Nota má hverskonar orð milli vina.

Karlar í þorpinu röggsamir ríða

rauðsprettunet fyrir vorvertíðina.

Þessar limrur !!

Hér litum við stórvaxinn strump
standa með hendur á gump,
hjá konu á krá.
Þá kom honum frá
hávært og hljómfagurt prump.

Ussususs

Tæpast við röðunum riðlum.
Til rasiskra atkvæða biðlum.
Við elskum þau öll,
álfa og tröll.
Svart er á samfélagsmiðlum.

Nefni engin nöfn

Þessa hef ég nafnlausa til að létta aðeins af viðkomandi ;

 

Maður einn er stundum styggur,

sé stefnt að honum böggi.

Svo er það, hann líka liggur

löngum vel við höggi.