Nýtt rímorð

Víða liggur fundið fé.
Fáir upp nú veslast.
Liggur við að ljóst það sé;
landinn er að Teslast.

Tesla setur sölumet á Íslandi

Undantekning

Allir þiggja orku hráa
án þess að vilja það.
Við erum rík af reyknum bláa,
reynið að skilja það!

Blár reykur er undantekning

! ! !

Mál er litið avarlegum augum.

Undravert, en nokkurnveginn satt.

Eflaust margir teknir verða á taugum;

titringurinn eykst að vonum hratt.

? ? ?

Upp er svipa réttvísinnar reidd.
Ráðvendni er nauðsynleg í dag.
Hver er sektin? Hverjum er hún greidd?
Hvað ef málin komast ekki í lag?

Bank bank

Aðalbrautin oft er hál.
Ýmsa mætti hanka.
Það er talsvert mikið mál
að missa stjórn á banka.

Góð þessi

Gjarnan mína stöðu styrkja

stökur bæði og ljóð.

Vísan sem ég var að yrkja

er virkilega góð!

 

 

Hörmung

Trússi sínu troða í minni poka.
Tjarnarbíó nauðbeygt er að loka.
Borgarstjórnin bjargar ekki neinu.
Býst ég við að það sé nú á hreinu.

Vísuðu björgun Tjarnarbíós frá

Rörsýn

Þegar menn benda á verðandi vá
og vekja upp fortíðardrauga;
tala um það er við síst viljum sjá,
setja má lepp fyrir auga.

„Ég er ekki sammála Sjálfstæðisflokknum“

Ekki útilokað

Mikill er Bjarni. Margt hann getur.
Metur fleira en karla.
Ef til vill síðar hann bætir um betur.
Breytingar skaða varla.

Útilokar ekki frekari breytingar á ríkisstjórninni

Greftrun stríðsaxar

Að grafa exi greina menn
að gangi heldur seinlega.
Frekar dökknar útlit enn;
orðið Kolbrúnt hreinlega!

Bjóst ekki við að Norðurlöndin myndu loka sínum sendiráðum