Mælt er með meðalhófi

Í uppáferðum oft er kátt
út um víða völlu.
Sumir vilja hafa hátt,
en hóf er best í öllu.

Lögregla kölluð til vegna kynlífshávaða

Berjast

Á í vök að verjast
veslings Úkraína.
Þó er best að berjast.
Birt er Nato lína.

Selenskí er mættur

Auglýsing

Magnað er gosið. Mega flott.
Margur þetta skildi:
Að það hefur afar gott
auglýsingagildi.

Gosið hefur „mikið auglýsingagildi“

Þar liggur hundurinn grafinn

I hrauninu nýja hér um slóðir
hundspottið liggur grafið:
Hugsa sér ýmsir gott í glóðir;
gosið er semsagt hafið!

Sjáðu myndskeið af kvikunni koma upp

Mikið var!

Fjölmiðlar gjarnan gagnast við
að gera atburði ljósa.
Lýkur nú þessari löngu bið:
Loksins er farið að gjósa!

„Fólk hlaupi ekki að þessu eldgosi“

Minn tími kemur

Í fréttum er þetta fyrst og efst:
Farið er ekki að gjósa.
Á endanum það þó eflaust hefst
eins og flestir kjósa.

 

Skjálftavirknin færist hinum megin við Keili

Af hverju?

Hvernig stendur á þessum tíðu bílabrunum??

Alelda á fimm mínútum: „Börnin út!"

Ástæðulaust

Ætti ég að segja satt,
svona mun þetta vera:
Alþingi er óþarft pjatt,
ekkert við það að gera.

Katrín ætlar ekki að kalla Alþingi saman

Fyrr mun ...

Óljós grunur verður vissa;
í Víti seint mun frjósa,
enda verða allir hissa
ef ekki fer að gjósa!

„Innan sólarhrings gæti eitthvað gerst“

Má bjóða ykkur gos?

Gott er að stunda góðan sið
og gera staðreynd ljósa:
Bestu spámenn búast við
að bráðum fari að gjósa.

Allt bendir til þess að gos sé í uppsiglingu