Í Reykjanesbæ

Hér í bænum höfnum við
og hafna ávallt munum
þeim sem vilja leggja lið
loftslagsbreytingunum.

Frestur vegna athugasemda framlengdur

Ójöfnuður

Höldum gleði heims um ból,
hömpum dýrum tólum
á meðan þessi fatla fól
fagna litlum jólum.

Ótrúlegur munur á desemberuppbót

Aumingja við

Þræða á okkur þunga klafa
og það í nokkru flaustri
vondir menn sem virðast hafa
veiðileyfi á Klaustri.

 

„Þetta gat verið reiðhjól að bremsa“

1.des

Heiðra nú fullveldisafmælið okkar
ónefndir stjórnmálaflokkar.
Um það hefi ég ekkert að segja
og ætla því bara að þegja.

Samtalið á Klaustri - leiklestur

Klausturraus

Dapurlegt reyndist drykkjuraus.
DV birti slúðrið.
Og verða svo bara launalaus:
Ljóta bölvað klúðrið!

Launalaus leyfi og þingflokkaflakk

Fjölgleymi

Býsna var mjög á borðið lagt
og barið í öðru hvoru.
Margt var þar líka misjafnt sagt.
Þau mundu ekki hvar þau voru!

Blöskraði það sem hann heyrði

Nauð

Víst eru mörgum völdin kær.

Veruleikinn er snúinn.

Oft er í holti heyrandi nær

herlegum tækjum búinn.

„Líklega á mörkum“ brota á siðareglum

Klausturlifnaður

Berst nú margt til verri vegar.
Valin orð í flaustri.
Ekki lagast þetta þegar
þingmenn eru í Klaustri.

„Maður bara varð sér til skammar“

Úr Klaustri

Þingmaður lét orð falla sem ekki töldust viðurkvæmileg. Upp mun það gjört þótt síðar verði.

Að lífslokum maður muntu
mæta í þinni nekt
húrrandi klikkaðri kuntu
sem kennir þér ýmislegt.

Forsætisnefnd fjallar um ummælin

Stríðsleikir

Ekki er fólkið alltaf spurt

um hvernig brauðið skuli smurt.

Í ónýtri krús vex engin jurt.

Ísland úr NATO - herinn burt!