Verndum lægstu launin

Ríkisstjórnin kom við kaunin.
Klækina hennar vel ég þekki:
Hún mun vernda lægstu launin,
líkast til svo þau hækki ekki.

Beint: Katrín ávarpar landsfund VG

Leyndin mikla

"Mikil leynd hvílir yfir þessari örlagaferð, til að tryggja öryggi íslensku ráðherranna..."

Leyndin felst aðallega í því að auglýsa ferðir þeirra í ríkisútvarpinu.

Útlit

Mörg hefur fögur mærin þóst,

á myndverkin ekki spör:

Aflitað hárið, blásin brjóst

og bólga á neðri vör.

Gul andlit?

Óperan, stolt fyrir þessa þjóð.
Þó heyrast bjöllur hringja.
Verst er ef þau, svona væn og góð,
vita ekki hvað þau syngja.

Vísar ásökunum um rasisma á bug

Kynlegar tölur

Ytri og innri spenna
oft veldur mönnum kvíða.
Tölur má kynlegar kenna
í kerfinu nokkuð víða.

Kynsegin einstaklingum fjölgað um 75 prósent 

Á Leyndarhvoli

Enn er þráspurt.Við því voli
vilja ýmsir sporna.
Lindirnar á Leyndarhvoli
lengi eru að þorna.

Lindarhvoli ber að afhenda álitsgerð um félagið

Misheyrn

Ljóslega var það að vonum

að virtist mér töluverð frétt:

.... útrýma kynbundnum konum!

En kannski ég heyrði ekki rétt.

Of kalt til að yrkja

Köld er nepjan. Kuldatíð

kælir höfuðleðrið.

Nú ég ekki nokkra hríð

neitt vil yrkja um veðrið.

Átök á Alþingi

 

Brýnt er enn að bæta störf
og beita ráðum slyngum,
en fyrst þó á því finnst mér þörf
að fjölga lögfræðingum!

Báðum þótti „skýrt“ hvar lögin liggja

Frá Alþingi

Þingmanna slepjuleg slorseta
slæðist í þingsalinn:
Málþóf í fundarstjórn forseta
farin að verða inn?